საყვარელი წიგნის კითხვისას დაფიქრებულხარ, მართლა ასე გემრიელია თუ არა იქ აღწერილი კერძები და ტკბილეული, რომელსაც წიგნის პერსონაჟები შეექცევიან? მწერლები მათ ხან გაკვრით აღწერენ და ხან ისე დაწვრილებით, რომ ბევრჯერ ნერწყვიც გადაგიყლაპავს. ზოგჯერ კი ეს კერძები სულაც ჩვენი ფანტაზიის ნაყოფია _ მაგალითად, გვიფიქრია, რომ თოვლის დედოფალს ყინულის სასახლე აუცილებლად ბევრი სხვადასხვანაირი ნაყინით ექნებოდა სავსე. დიანა ანფიმიადიმ რამდენიმე ასეთ ლიტერატურულ კერძს მოუყარა თავი რეცეპტების ამ პატარა წიგნში და მათი მომზადების საკუთარი ვარიანტი შემოგვთავაზა.