2015 წლის ივნისში თბილისში ძლიერი წვიმა მოვიდა, ადიდებულმა მდინარე ვერემ ზოოპარკის ჯებირები გამოარღვია და ქალაქი დაიტბორა. ზოოპარკის დაბნეული და შეშინებული ბინადრები გარეთ გამოცვივდნენ. ქუჩები გამოქცეული ცხოველებით გაივსო. 

მწერალმა თეა თოფურიამ გადაწყვიტა, ეს ძალიან უცნაური ამბავი ბავშვებისთვის მოეთხრო. ყველას კარგად გვახსოვს გმირთა მოედანზე მოსეირნე ბეჰემოტი ბეგი, მაგრამ, წარმოვიდგინოთ, რას ვიზამდით, სათამაშოების მაღაზიაში პატარა ნიანგს რომ გადავყროდით, სახლში, კი დივანზე მოკალათებული ლომი დაგვხვედროდა...