ყველაფერი ცუდად და უარესადაა – ლუთადელსა და მთელ უკანასკნელ იმპერიას ფერფლი უწყვეტად ათოვს, ნისლი ცოცხალივით იქცევა. მსჯავრმდებელი მარში თავის მოკვლას ლამობს. კოლოსები ქალაქს ქალაქზე იღებენ და მათ იდუმალი, უცნობი ძალა მართავთ. უძლიერეს ხელისუფლად ქცეული, ალომანტი ელენდ ვენტური სამეფოს გადარჩენას ცდილობს. ამ ბრძოლაში მას ძველი, ერთგული მებრძოლები და ვინი უდგანან მხარში. სეიზდმა რელიგიების რწმენა დაკარგა,
 გადარჩენილის რელიგიის მიმდევრები კი სულ უფრო ძლიერდებიან და მრავლდებიან. ვინი, ელენდი და სეიზდი რაღაცას ეძებენ - ფაზლის ბოლო ნაჭერს, რომელმაც სრული სურათი უნდა დაგვანახვოს და ყველა კითხვას უპასუხოს.
 ვინ იყო კელსიერი? ვინ იყო მბრძანებელი? რას ქადაგებდა ტერისელთა გამქრალი რელიგია? რა ძალა მართავს სინამდვილეში სამყაროს? რა გაათავისუფლა ვინმა აღზევების წყაროდან? და ბოლოს – ყველაზე მთავარი – ვინ არის ეპოქათა გმირი? გადაუღებელ ფერფვლასა და იდუმალებით მოცულ, შეცვლილ ნისლში ყველა კვანძი ერთიმეორის მიყოლებით იხსნება.