თუ ამ სიტყვებს კითხულობ, ე. ი. ესპანურის სწავლა გინდა, ან უკვე სწავლობ. სწორი გადაწყვეტილებაა. ესპანური, გარდა იმისა, რომ ულამაზესია, მნიშვნელობით მეორე ენადაა აღიარებული მსოფლიოში, რადგან ის 400 მილიონზე მეტი ადამიანის მშობლიური და 20 ქვეყნის ოფიციალური ენაა. გრამატიკა ნებისმიერი ენის ჩონჩხია, რომელსაც ლექსიკით ვასხამთ ხორცს. ამ წიგნში შევეცადე, რაც შეიძლება მარტივად და გასაგებად ამეხსნა ყველა ის გრამატიკული ასპექტი, რაც ესპანური ენის შესწავლისთვისაა აუცილებელი.