სოსო მარგიშვილი ერთ-ერთი პირველი ქართველი მკვლევარია, რომელმაც, საქართველოს სამხედრო ისტორიის კრიტიკული ანალიზი მოგვცა. მისი ფუნდამენტური ნაშრომია „მითები და რეალობა დავით აღმაშენებლის მეფობის შესახებ". მკვლევარი შეეხო დავით IV აღმაშენებლის სამხედრო კამპანიებს, განსაკუთრებით კი, დიდგორის ბრძოლას, სკურპულოზურად გააანალიზა, შეადარა ქართული და უცხოური წყაროები, სამხედრო ისტორიის კვლევის თანამედროვე მეთოდოლოგია. მან დაამსხვრია მთელი რიგი მითები, რომელიც ამ ეპოქის საქართველოზე და ზოგადად, სამხედრო საქმეზე არსებობდა.