უკრაინის საკითხების ექსპერტი, ვინფრიდ შნაიდერ-დეტერსი, რუსეთის მიერ უკრაინის წინააღმდეგ წარმოებული ომის შესახებ მიმდინარე დებატებში ერთვება სამი აქტუალური ესეთი, რომლებიც 2022/2023 წლების ზამთარში, კიევში, საომარი მოქმედებების დროს დაიწერა. ავტორი კრიტიკულად განიხილავს რუსული აგრესიის ორაზროვან აღქმას არა მხოლოდ გერმანულ საზოგადოებაში. ინტელექტუალების მოწოდებები იარაღის მიწოდების შეწყვეტისა და აგრესორთან მოლაპარაკებებისა თუ კომპრომისების შესახებ, რეალურად, კაპიტულაციისკენ მოწოდებაა; ავტორის აზრით, ამ მოწოდებებზე ხელმომწერები პუტინის „სასარგებლო იდიოტებად“ იქცევიან.

შნაიდერ-დეტერსი ხაზს უსვამს პუტინსა და ჰიტლერს შორის არსებულ პარალელებს და აანალიზებს საბჭოთა კავშირის დაშლის შემდგომ რუსულ „ვაიმარის სინდრომს“, ისევე როგორც თანამედროვე, სპეციფიკურად რუსული ფაშიზმის — „რაშიზმის“ ფესვებს. იგი ასევე დეტალურად აღწერს უკრაინაში რუსეთის შეიარაღებული ძალების მიერ ჩადენილ საერთაშორისო სამართლის დანაშაულებს.

ჰააგის სისხლის სამართლის საერთაშორისო სასამართლოს არ გააჩნია იურისდიქცია აგრესიის დანაშაულზე — ამ „უზენაეს საერთაშორისო დანაშაულზე“; შნაიდერ-დეტერსი განიხილავს შესაძლო ნაბიჯებს ნიურნბერგის პროცესის მსგავსი ახალი საერთაშორისო ტრიბუნალის, „ნიურნბერგ II“-ის შესაქმნელად, რათა შესაძლებელი გახდეს აგრესორი პუტინის სისხლისსამართლებრივი პასუხისგებაში მიცემა.