საზღვრებმა შეიძლება დაგვაშოროს, მაგრამ იმედი გაგვაერთიანებს...

ცხრა წლის ბრუნომ არაფერი იცის „საბოლოო გადაწყვეტისა“ და ჰოლოკოსტის შესახებ. მან არაფერი უწყის იმ საშინელი სასტიკი მოპყრობის თაობაზე, რომელსაც მისი ქვეყანა ევროპის მოსახლეობის მიმართ იჩენს. მან მხოლოდ ის იცის, რომ ბერლინის კომფორტული სახლიდან გადაიყვანეს უნაყოფო, მიტოვებულ მხარეში მდებარე სახლში, სადაც გასაკეთებელი არაფერია და არც არავინ არის სათამაშოდ. მანამ, სანამ შმუელს შეხვდება — ბიჭს, რომელიც უცნაური პარალელური ცხოვრებით ცხოვრობს მავთულხლართების მიღმა და რომელიც, იქ მყოფი სხვა ადამიანების მსგავსად, ზოლიან პიჟამას ატარებს.

ბრუნოს მეგობრობა შმუელთან მას უმანკოებიდან სიმართლის აღმოჩენამდე მიიყვანს. ხოლო იმის კვლევისას, თუ რის ნაწილადაც იქცა უნებლიეთ, ის გარდაუვლად აღმოჩნდება ამ საშინელი პროცესის მსხვერპლი.