რენცო პიანო: არქიტექტურის მრავალფეროვნება

მაშინ როცა ზოგიერთ არქიტექტორს ერთი კონკრეტული ხელწერა აქვს, რენცო პიანო ცდილობს საერთო, თანამიმდევრული იდეები სრულიად განსხვავებულ პროექტებს მოარგოს. მისი შენობები შთამბეჭდავია როგორც თავისი ინდივიდუალური გავლენით, ისე მასშტაბების, მასალებისა და ფორმების მრავალფეროვნებით.

პიანომ საერთაშორისო აღიარება პარიზის „პომპიდუს ცენტრის“ თანაავტორობით მოიპოვა — შენობით, რომელმაც, The New York Times-ის შეფასებით, „არქიტექტურის სამყარო თავდაყირა დააყენა“. მას შემდეგ მან მრავალი მნიშვნელოვანი კულტურული სივრცე შექმნა, მათ შორის ჩიკაგოს ხელოვნების ინსტიტუტის თანამედროვე ფრთა, მორგანის ბიბლიოთეკის რენოვაცია ნიუ-იორკში და უიტნის ამერიკული ხელოვნების მუზეუმი მანჰეტენზე. ნიუ-იორკსა და ლონდონში პიანოს ხელწერამ შეცვალა ქალაქის ხედები ისეთი ცათამბჯენებით, როგორებიცაა The New York Times-ის შენობა და „შარდი“ (The Shard) — ყველაზე მაღალი შენობა ევროკავშირში. 

ს წიგნი გაგატარებთ ოსაკადან (იაპონია) ბერნამდე (შვეიცარია) და შეგასწავლით რენცო პიანოს რეპერტუარის საოცარ მასშტაბებს. „შიგნიდან გარეთ“ მოქცეული პომპიდუს ცენტრიდან დაწყებული, ახალ კალედონიაში მდებარე „ტიბაუს კულტურული ცენტრის“ ჰაეროვანი კონსტრუქციებით დამთავრებული — ეს არის ამაღელვებელი მოგზაურობა არქიტექტურის სილამაზეში, სადაც, თავად პიანოს სიტყვებით რომ ვთქვათ, „ყოველ ჯერზე ცხოვრება თითქოს თავიდან იწყება“