პილატესის სრული გზამკვლევი სამ ათწლეულზე მეტი გამოცდილების მქონე ცნობილი ვარსკვლავური მწვრთნელისგან. ახალი გამოცემა მოიცავს დამატებით თავებსა და კლასიკური ვარჯიშების 16 ახალ ვარიაციას.

2000 წლიდან, წიგნი „პილატესის სხეული“ (The Pilates Body) ასიათასობით მკითხველს ეხმარება ამ სისტემის ძალის აღმოჩენაში. იოზეფ პილატესის მიერ მეოცე საუკუნის დასაწყისში შექმნილი მეთოდი დღემდე რჩება საუკეთესო ფიტნეს-სისტემად მათთვის, ვისაც სურს ძალის მომატება, მოქნილობის გაუმჯობესება, სწორი პოზის ჩამოყალიბება და სხეულთან ღრმა კავშირის დამყარება.

ავტორი ბრუკ საილერი, რომელიც თავად იოზეფ პილატესის მოსწავლესთან იწვრთნებოდა, გთავაზობთ სრულ პროგრამას, რომლის შესრულებაც ნებისმიერ დროსა და ადგილას, მხოლოდ სავარჯიშო ხალიჩითაა შესაძლებელი. წიგნში ნახავთ 50-ზე მეტ ვარჯიშს, რომლებიც სირთულის მიხედვითაა დაყოფილი და მოიცავს:

• ნაბიჯ-ნაბიჯ ფოტოინსტრუქციებს, ნახატებსა და ვიზუალიზაციას სწორი მოძრაობისა და სუნთქვისთვის.
• მოდიფიკაციებს დამწყებთათვის და სავარჯიშოებს შორის დინამიკურ გადასვლებს.
• რჩევებს ტიპური შეცდომებისა და ტრავმების თავიდან ასაცილებლად.

ამ განახლებულ და გაფართოებულ გამოცემაში შესულია ახალი თავი პანდიკულაციის (კუნთების შეკუმშვა-მოდუნების მეთოდი) შესახებ, რომელიც ხსნის დაძაბულობას და აუმჯობესებს მობილობას. ავტორი დეტალურად განმარტავს ამ მეთოდის როლს ნეირომუსკულარულ ჯანმრთელობაში და გთავაზობთ 16 კლასიკური ვარჯიშის განახლებულ ვერსიას თქვენი სხეულის გასაჯანსაღებლად.