რას ნიშნავს, იყო ადამიანი? რატომ გვაქვს რიტუალები? რით განსხვავდება ოჯახური სტრუქტურები მსოფლიოს სხვადასხვა წერტილში და რატომ? „ანთროპოლოგიის წიგნი“ (The Anthropology Book) პასუხობს ამ და უამრავ სხვა კითხვას. სერიისთვის — „დიდი იდეები“ (Big Ideas) — დამახასიათებელი ავტორიტეტული, მარტივად გასაგები ტექსტისა და მკაფიო გრაფიკის კომბინაციით, ეს წიგნი მკითხველს აცნობს ამ საგნის სხვადასხვა დარგის საკვანძო კონცეფციებს, როგორიცაა კულტურული ანთროპოლოგია, ეთნოგრაფია და ბიოლოგიური ანთროპოლოგია, და განმარტავს, თუ როგორ განვითარდნენ ისინი გასული საუკუნის განმავლობაში. წიგნი იკვლევს ადამიანის სიცოცხლისა და კულტურების წარმოშობას, ასევე იმას, თუ როგორ აყალიბებენ საზოგადოებები ტრადიციებს, კანონებსა და ენებს. ცნობილი ანთროპოლოგიების — მაგალითად, კლოდ ლევი-სტროსისა და მარგარეტ მიდის — პორტრეტებითა და ისეთი მრავალფეროვანი თემების გაშუქებით, როგორიცაა ბიოლოგია, მედიცინა, ომი, სექსუალობა, ოჯახური როლები და ნათესაობა, „ანთროპოლოგიის წიგნი“ არის მომნუსხველი და ყველასთვის ხელმისაწვდომი შესავალი ანთროპოლოგიური აზროვნების ძირითად პრინციპებში.