სენსაციური და თბილი სერიის, „სანამ ყავა გაცივდება“, მეხუთე წიგნში, რომელიც იაპონურიდან არის ნათარგმნი, იდუმალი კაფე კიდევ ოთხ ახალ სტუმარს მასპინძლობს. ისინი იმ იმედით მოდიან, რომ დროში მოგზაურობას შეძლებენ:

• მამა, რომელმაც ვერ შეძლო, თავისი ქალიშვილი გათხოვებისას გაეშვა;

• ქალი, რომელმაც საყვარელი ადამიანისთვის ვალენტინობის დღის შოკოლადების მირთმევა ვერ შეძლო;

• ბიჭი, რომელსაც სურს, თავისი ღიმილი განქორწინებულ მშობლებს აჩვენოს;

• ცოლი, რომელსაც ხელში უსახელო ბავშვი უჭირავს...

თუმცა მათ კაფის მკაცრი წესების დაცვა უწევთ და აწმყოში დაბრუნება მანამდე უნდა მოასწრონ, სანამ ყავა გაცივდება.

ტოშიკაძუ კავაგუჩის „სანამ სიკეთე დაგვავიწყდება“ კიდევ ერთი ემოციური და გულში ჩამწვდომი ისტორიაა. ახალი სტუმრები წარსულში დაბრუნებას იმისთვის ცდილობენ, რომ აწმყოს გაგრძელება შეძლონ — იპოვონ შვება, მიიღონ წარსული და დაუმთავრებელ საკითხებს წერტილი დაუსვან, რათა გზა ლამაზი მომავლისკენ განაგრძონ.