ჩაოლ უესტფოლი და ნესრინ ფალიქი სამხრეთ კონტინენტის ბრწყინვალე ქალაქ ანტიკაში ჩავიდნენ, რათა ხაგანს, რომლის უზარმაზარი არმიაც ერილიას გადარჩენის უკანასკნელ იმედს წარმოადგენს, სამხედრო კავშირი შესთავაზონ. თუმცა, მათ ანტიკაში სხვა მიზანიც აქვთ: ჩაოლის მიერ რიფტჰოლდში მიღებული ჭრილობების მოსაშუშებლად სახელგანთქმულ კოშკ ცესმეში მკურნალობის მიღება.

ბავშვობაში ადარლანის ჯარისკაცების ხელით ენით აუწერელი სისასტიკის გადატანის შემდეგ, ირენ თაუერსს არანაირი სურვილი არ აქვს, ადარლანიდან ჩამოსულ ახალგაზრდა ლორდს დაეხმაროს და მით უმეტეს, უმკურნალოს. თუმცა, მას ფიცი აქვს დადებული, რომ გაჭირვებულებს დაეხმარება და ამ ფიცს აუცილებლად შეასრულებს. ლორდ უესტფოლსაც საკუთარი ბნელი წარსული აქვს და ირენი მალე ხვდება, რომ ამ წარსულის ჩრდილებმა შესაძლოა ორივე შთანთქას.

ჩაოლს, ნესრინსა და ირენს მთელი თავიანთი გამძლეობისა და სიმტკიცის გამოჩენა მოუწევთ, რათა მათ გარშემო არსებული საფრთხეები გადალახონ. მაგრამ მაშინ, როცა ისინი ხაგანატის პოლიტიკურ ინტრიგებში ეხვევიან, მთების სიღრმეში დიდი ხნის ნანატრი პასუხები იმალება — იქ, სადაც მეომრები ლეგენდარულ რუკებზე ამხედრებულნი დაფრინავენ. ამ პასუხებმა შესაძლოა მათ სამყაროს გადარჩენის შანსი მისცეს ან ყველა დაღუპვისთვის გაწიროს.

გადამწყვეტი ბრძოლა ახლოვდება „შუშის ტახტის“ №1 ბესტსელერი სერიის მეექვსე წიგნში.

სერიის სხვა წიგნები

• Throne of Glass — შუშის ტახტი

• Crown of Midnight — შუაღამის გვირგვინი

• Heir of Fire — ცეცხლის მემკვიდრე

• Queen of Shadows — ჩრდილების დედოფალი

• Empire of Storms — ქარიშხლების იმპერია

• Kingdom of Ash — ფერფლის სამეფო

• The Assassin’s Blade — მკვლელის პირი (წინარე ნოველების კრებული)