ფანტომში — სამეფოში, სადაც მოკირწყლული ქუჩები, მბჟუტავი ფარნების შუქი, ულამაზესი შენობები და საიდუმლო კატაკომბები ერთმანეთს ერწყმის — ჩრდილოვანი მაგია იშვიათი და სასიკვდილოდ საშიში ძალაა, რომელსაც ორი მტრული გილდია აკონტროლებს: მოსასხამიანები (Cloaks) და ხანჯლები (Daggers) — ქურდები და მკვლელები.

დედის მკვლელობის ღამეს თვრამეტი წლის სერაფინა საკუთარი სიცოცხლის გადასარჩენად გარბის. მოსასხამიანებთან თავშესაფრის ძიებისას სერას გული შურისძიებას ითხოვს. მაგრამ შეძლებს კი მისი საიდუმლო უნარები გაუმკლავდეს შავთმიან ბიჭს, რომლის ვერცხლისწყალივით ცვალებადი თვალები ქალაქში ყველგან დაჰყვება?

ვერაფერი მოამზადებს სერას იმ მომენტისთვის, როცა ის საბოლოოდ პირისპირ შეხვდება რენსომს — ხანჯლების ორდენის მემკვიდრეს. რენსომიც გაოგნებულია, როცა აღმოაჩენს, რომ ეს ერთი შეხედვით უბრალო, ფერმაში გაზრდილი გოგონა უჩვეულო, კაშკაშა მაგიას ფლობს, რომლის მსგავსიც მას არასოდეს უნახავს.

სანამ მოსასხამიანები და ხანჯლები ფანტომის კრიმინალურ სამყაროზე კონტროლის მოსაპოვებლად იბრძვიან, სერა და რენსომი საკუთარი მაგიის ურთიერთსაპირისპირო ძალასა და იმ სახიფათო ნაპერწკალში ეხვევიან, რომელიც მათ შორის ჩნდება. ეს ნაპერწკალი და შურისძიების დაუცხრომელი წყურვილი მათ კვლავ და კვლავ ერთმანეთისკენ იზიდავს — მიუხედავად იმისა, რომ ამ მიზიდულობას შესაძლოა ორივე შეეწიროს.