რა არის წარმატების გასაღები? მეცნიერები სხვადასხვა სფეროში წარმატებული ადამიანების თვისებებს, შეხედულებებსა და ჩვევებს იკვლევდნენ. თუმცა, მათ მიერ მიღებული პასუხები ხშირად რთულ, აკადემიურ ჟურნალებში ქვეყნდება, რომლებიც ძირითადად სხვა მეცნიერებისთვისაა განკუთვნილი.

წიგნი „წარმატებული ადამიანების 100 მარტივი საიდუმლო“ (The 100 Simple Secrets of Successful People) ათასზე მეტი კვლევიდან ყველაზე მნიშვნელოვან და სასარგებლო შედეგებს გვთავაზობს ყველასთვის გასაგები ენით.

წიგნის თითოეული თავი მოიცავს კვლევებზე დაფუძნებულ რჩევას, რეალურ მაგალითს იმისა, თუ რა უნდა გავაკეთოთ ან რას უნდა მოვერიდოთ, და მნიშვნელოვან სტატისტიკურ მონაცემს, რომელიც მეცნიერულ კვლევას ეყრდნობა.