კლასიკური ბესტსელერი, რომელმაც მილიონობით ადამიანის ცხოვრება შეცვალა

„არაჩვეულებრივია. ჰარისი მილიონობით ადამიანს დაეხმარა, მოეპოვებინათ ცვლილების თავისუფლება, გაეთავისუფლებინათ საკუთარი ზრდასრული პოტენციალი და სხვებთან სიხარულით სავსე, ახლო ურთიერთობები დაემყარებინათ.“ — Los Angeles Times

ტრანზაქციული ანალიზი გამოყოფს ეგოს სამ მდგომარეობას — მშობელს, ზრდასრულსა და ბავშვს — და მათ განიხილავს, როგორც ადამიანებს შორის კომუნიკაციის შინაარსისა და ხარისხის განმსაზღვრელ საფუძველს.

მიუხედავად იმისა, რომ ბევრს ბედნიერი ბავშვობა ჰქონდა, ჰარისის აზრით, უმეტესობა ჩვენგანი კვლავ განიცდის დაუცველი ბავშვისთვის დამახასიათებელ განცდას — „მე არ ვარ OK“ — და სრულად არის დამოკიდებული სხვებზე (მშობლებზე), მათგან სითბოს, ყურადღებისა და მზრუნველობის მისაღებად.

ცხოვრების ადრეულ ეტაპზე ჩვენ საკუთარ თავსა და სხვებზე გარკვეულ შეხედულებას ვაყალიბებთ, რომელიც განსაზღვრავს იმას, თუ როგორ აღვიქვამთ ყველაფერს, რასაც ვაკეთებთ. ადამიანების დიდი ნაწილისთვის ეს შინაგანი პოზიცია ასეთია: „მე არ ვარ OK — შენ OK ხარ“.

ეს ნეგატიური „ცხოვრებისეული პოზიცია“, რომელიც როგორც წარმატებულ, ისე წარუმატებელ ადამიანებს ახასიათებთ, ზღუდავს ჩვენი რაციონალური, ზრდასრული აზროვნების შესაძლებლობებს. შედეგად, დაუცველები ვხდებით ბავშვისთვის დამახასიათებელი შეუსაბამო ემოციური რეაქციებისა და მშობლის ეგოს მდგომარეობაში კრიტიკული გააზრების გარეშე ათვისებული ქცევების მიმართ.

ჰარისის რწმენით, საკუთარი პიროვნების სტრუქტურის შესწავლითა და წარსულში მიღებული გადაწყვეტილებების გააზრებით შეგვიძლია მოვიპოვოთ თავისუფლება, შევცვალოთ ჩვენი ცხოვრება.