ჯეისონს პრობლემა აქვს. მას არაფერი ახსოვს იმ პერიოდიდან, სანამ სკოლის ავტობუსში გაიღვიძებდა და გოგონას ხელზე ეჭირა ხელი. როგორც ირკვევა, ეს გოგონა მისი შეყვარებული პაიპერია, მისი საუკეთესო მეგობარი კი ლეო ჰქვია. ისინი ველურ ბუნებაში მდებარე სკოლა-პანსიონის მოსწავლეები არიან, რომელიც „ცუდი ბავშვებისთვისაა“ განკუთვნილი. ჯეისონმა არ იცის, რა გააკეთა ისეთი, რომ აქ აღმოჩნდა, მაგრამ ხვდება, რომ რაღაც რიგზე ვერ არის.

პაიპერს საიდუმლო აქვს. მამამისი უკვე სამი დღეა გაუჩინარებულია, ხოლო მისი შემზარავი და ნათელი სიზმრები მიანიშნებს, რომ მამა დიდ საფრთხეშია. ახლა კი მისი შეყვარებული მას ვეღარ ცნობს. როდესაც სასკოლო ექსკურსიის დროს უცნაური ქარიშხალი ამოვარდება და მათ უცნაური არსებები დაესხმებიან თავს, პაიპერი, ჯეისონი და ლეო მოულოდნელად ნახევარღმერთების ბანაკში აღმოჩნდებიან. რა ხდება?

ლეო ხელსაწყოებთან შესანიშნავად მუშაობს. ნახევარღმერთების ბანაკში მისი ახალი საცხოვრებელი სავსეა ხელსაწყოებით. ეს ადგილი ველურ ბუნებაში არსებულ სკოლაზე ბევრად უკეთესია — აქ არის იარაღის გამოყენების სწავლება, მონსტრები და ლამაზი გოგონები. თუმცა ყველას უცნაური წყევლა აწუხებს, ერთ-ერთი ბანაკელი კი გაუჩინარებულია. ყველაზე უცნაური ისაა, რომ მისი თანაკლასელები ამტკიცებენ, რომ ყველა მათგანი, მათ შორის ლეოც, რომელიმე ღმერთის შთამომავალია.

პერსი ჯექსონის სერიის ბესტსელერი ავტორი რიკ რიორდანი წიგნში „დაკარგული გმირი“ (The Lost Hero) თავგადასავალს, მოქმედებასა და დაძაბულობას კიდევ უფრო აძლიერებს. ეს „ოლიმპოს გმირების“ სერიის პირველი წიგნია, რომელიც ნახევარღმერთების, წინასწარმეტყველებებისა და სახიფათო მისიების მოყვარულებს სუნთქვას შეუკრავს და მოუთმენლად დააწყებინებს მეორე წიგნის ლოდინს.