ლ. ფრენკ ბაუმის საყვარელი საბავშვო კლასიკის მდიდრული სასაჩუქრე გამოცემა, რომელიც ხელახლა არის წარმოდგენილი ოთხფეროვანი ულამაზესი ილუსტრაციებითა და ცხრა ინტერაქტიული ელემენტით. მათი ავტორია ჯილდოს მფლობელი დიზაინის სტუდია MinaLima, რომელიც „ჰარი პოტერის“ ფილმების გრაფიკულ დიზაინზე მუშაობდა.

კონგრესის ბიბლიოთეკის მიერ „ამერიკის უდიდეს და ყველაზე საყვარელ ეროვნულ ზღაპრად“ წოდებული ლ. ფრენკ ბაუმის კლასიკური ნაწარმოები 1900 წელს გამოქვეყნების შემდეგ თაობების საყვარელ წიგნად იქცა. ეს უკვდავი ისტორია ოჯახის პოვნისა და თავგადასავლების შესახებ ერთ-ერთი ყველაზე ხშირად წაკითხული საბავშვო წიგნია. ის ამერიკული ლიტერატურის მნიშვნელოვანი ნაწილია და შთაგონების წყაროდ იქცა 1939 წლის ოსკაროსანი ფილმისთვის, რომელიც კინოს ისტორიაში ერთ-ერთ საუკეთესო ნამუშევრად ითვლება, ასევე თეატრალური დადგმებისა და მიუზიკლებისთვის.

კლასიკურ ფანტასტიკურ ამბავში კანზასის ველებს ტორნადო დაატყდება თავს და ახალგაზრდა ობოლი დოროთი გეილს თავის პატარა ძაღლ ტოტოსთან ერთად ჯადოსნურ ქვეყანაში — ოზში გადაიყვანს. ეს უცნაური სამყაროა, სადაც ჯადოქრები, პატარა ადამიანები, ფრთოსანი მაიმუნები და სხვა უჩვეულო არსებები ცხოვრობენ.

შეშინებულ და გზააბნეულ დოროთის მხოლოდ ბიძია ჰენრისთან და დეიდა ემთან დაბრუნება სურს. ჩრდილოეთის კეთილი ჯადოქარი ეუბნება, რომ ამისთვის ყვითელ აგურის გზას უნდა გაჰყვეს, რომელიც ზურმუხტის ქალაქამდე მიიყვანს. სწორედ იქ ცხოვრობს იდუმალი და საშიში ოზის ჯადოქარი, რომელსაც შეუძლია შინ დაბრუნებაში დაეხმაროს.

გზაში დოროთი სამ დაუვიწყარ პერსონაჟს ხვდება — ჩალის კაცს, თუნუქის კაცსა და მშიშარა ლომს, რომლებიც მის მოგზაურობას უერთდებიან. ზურმუხტის ქალაქისკენ მიმავალი სახიფათო და თავგადასავლებით სავსე გზა მათ ნამდვილ მეგობრობას ასწავლის და ყველას ახსენებს, რომ საკუთარ სახლს არაფერი შეედრება.

„ოზის საოცარი ჯადოქარი — ინტერაქტიული გამოცემა“ (The Wonderful Wizard of Oz Interactive) ხელახლა აცოცხლებს რომანის ცნობილ გამოსახულებებს და ორიგინალური წიგნის გამორჩეულ ფრაზებს უნიკალური, მომხიბვლელი სტილით წარმოგვიდგენს. ეს მდიდრულად ილუსტრირებული გამოცემა ნებისმიერი ასაკის მკითხველს მოხიბლავს და საკოლექციო ნივთადაც შეიძლება იქცეს.

წიგნი შეიცავს სპეციალურად შექმნილ ილუსტრაციებსა და ცხრა ექსკლუზიურ ინტერაქტიულ ელემენტს, მათ შორის:

• ტორნადოს რუკას, რომლის გახსნისას ოზის ქვეყანა გამოჩნდება;

• ამოსაწევ ყვითელ აგურის გზას;

• ოზის სათვალეებს, რომლებიც სამყაროს განსხვავებულ ხედს გვთავაზობს;

• მებრძოლ ხეებს მოძრავი ტოტებით;

• დოროთის ვერცხლის ფეხსაცმელებს, რომელთა ერთმანეთზე მიტყუპუნებითაც შესაძლებელია მათი გააქტიურება.

MinaLima-ს ეს საოცარი გამოცემა მოხიბლავს როგორც ბავშვებს, ისე უფროსებს და ნებისმიერი შემთხვევისთვის განსაკუთრებული საჩუქარი იქნება.