„პატარა ცხოვრება“ (A Little Life) ოთხი თანაკურსელის ისტორიას მოგვითხრობს. ისინი უსახსროდ, ცხოვრების გზაზე დაბნეულნი, მხოლოდ მეგობრობისა და ამბიციების იმედად, ნიუ-იორკში მიემგზავრებიან დიდებისა და სიმდიდრის მოსაპოვებლად.

ათწლეულების განმავლობაში მათი ურთიერთობები სულ უფრო ღრმავდება და იძენს ახალ ელფერს — დამოკიდებულების, წარმატებისა და სიამაყის გავლენით. მამაკაცებს ერთმანეთთან განსაკუთრებული ერთგულება აკავშირებთ, თუმცა მათი მეგობრობის ცენტრში დგას ბრწყინვალე, იდუმალი ჯუდი — ადამიანი, რომლის სულზეც ბავშვობის ენით აუწერელმა ტრავმამ ღრმა კვალი დატოვა.

ძმური კავშირებისადმი მიძღვნილი ეს ჰიმნი და ოცდამეერთე საუკუნეში სიყვარულის ოსტატური ასახვა ჰანია იანაგიჰარას განსაცვიფრებელი რომანია იმ ოჯახებზე, რომლებშიც ვიბადებით, და იმ ოჯახებზე, რომლებსაც თავად ვქმნით.