დედამიწა კარგად ვერ არის. სრულიად ახალი ცხოვრების დაწყების პერსპექტივა სადღაც ძალიან, ძალიან შორს — კლიმატის ცვლილების, ომებისა და განუწყვეტელი ნეგატიური ინფორმაციის ნაკადის გარეშე — მიმზიდველად გამოიყურება. კოსმოსში დასახლება კი, როგორც იქნა, რეალურ შესაძლებლობად გვესახება. თუ ეს ასეა?

კრიტიკოსების მიერ აღიარებულმა ბესტსელერების ავტორებმა, კელი და ზაკ ვაინერსმიტებმა (Kelly and Zach Weinersmith), გადაწყვიტეს შეექმნათ აუცილებელი გზამკვლევი კოსმოსში დასახლებების დიდებული მომავლის შესახებ. თუმცა, მრავალწლიანი კვლევის შემდეგ, მათ ამ იდეის სარგებლიანობაში ეჭვი შეეპარათ.

კოსმოსური ტექნოლოგიები და ბიზნესი სწრაფად ვითარდება, მაგრამ ჯერ კიდევ არ გვაქვს საკმარისი ცოდნა იმის შესახებ, თუ როგორ უნდა გავაჩინოთ და გავზარდოთ ბავშვები კოსმოსში, შევქმნათ კოსმოსური ფერმები და ჩამოვაყალიბოთ კოსმოსური სახელმწიფოები ისე, რომ ამან დედამიწაზე კონფლიქტები არ გამოიწვიოს.

იმ სამყაროში, სადაც კაცობრიობა კოსმოსში გაფართოებისკენ მიიწევს, წიგნი „ქალაქი მარსზე“ (A City on Mars) იკვლევს, ხომ არ იქცევა ახალი სამყაროების შექმნის ოცნება კოშმარად როგორც იქ გადასახლებული ადამიანებისთვის, ისე მათთვის, ვინც დედამიწაზე დარჩება.

ამ პროცესში ვაინერსმიტები პასუხობენ ყველა იმ კითხვას კოსმოსის შესახებ, რომლებიც ოდესმე დაგბადებიათ, და კიდევ ბევრ ისეთ კითხვას, რომლებზეც შესაძლოა არც კი გიფიქრიათ:

• შესაძლებელია თუ არა კოსმოსში ბავშვის ჩასახვა და გაჩენა?

• უნდა მართავდნენ თუ არა კორპორაციები კოსმოსურ დასახლებებს?

• რა მოხდება, თუ კოსმოსში ომი დაიწყება?

• ხომ არ გვემუქრება საცხოვრებელი ფართის დეფიციტი მთვარეზე, მარადიული სინათლის მწვერვალებთან? და რა ბედი ეწევათ მათ, ვინც მარადიული სიბნელის კრატერებში აღმოჩნდება?

• რატომ უყვართ ასტრონავტებს ტაკოს სოუსი?

• და, რადგან საკვებს შევეხეთ, როგორია კოსმოსში კანიბალიზმის სამართლებრივი სტატუსი?

ღრმა ცოდნის, გამორჩეული იუმორისა და კომიქსის Saturday Morning Breakfast Cereal საყვარელი ავტორის ილუსტრაციების დახმარებით, ვაინერსმიტები კაცობრიობის წინაშე არსებულ, შესაძლოა, ყველაზე მნიშვნელოვან კითხვებს იკვლევენ: უნდა იქცეს თუ არა კაცობრიობა მრავალპლანეტურ ცივილიზაციად და, თუ კი, როგორ?

შემოგვიერთდით — მარსზე მივდივართ!