ტრავმა ცხოვრებისეული რეალობაა. ვეტერანები და მათი ოჯახები საბრძოლო მოქმედებების მტკივნეულ შედეგებს ებრძვიან; ყოველი ხუთი ამერიკელიდან ერთი გამხდარა ძალადობის მსხვერპლი; ყოველი ოთხიდან ერთი ალკოჰოლიკების გარემოცვაში გაიზარდა; ხოლო ყოველი სამი წყვილიდან ერთს ფიზიკური ძალადობა გამოუცდია. დოქტორმა ბესელ ვან დერ კოლკმა, ტრავმის სფეროში მსოფლიოს ერთ-ერთმა წამყვანმა ექსპერტმა, სამ ათწლეულზე მეტი გაატარა ტრავმაგადატანილ ადამიანებთან მუშაობაში. წიგნში „სხეული იმახსოვრებს ყველაფერს“ (The Body Keeps the Score) ის უახლეს მეცნიერულ მიღწევებზე დაყრდნობით აჩვენებს, თუ როგორ ცვლის ტრავმა პირდაპირი მნიშვნელობით როგორც სხეულს, ისე ტვინს, და როგორ უქვეითებს დაზარალებულებს სიამოვნების, ჩართულობის, თვითკონტროლისა და ნდობის უნარს. ის იკვლევს მკურნალობის ინოვაციურ მეთოდებს — ნეიროფიდბექიდან და მედიტაციიდან დაწყებული, სპორტით, თეატრალური ხელოვნებითა (დრამა) და იოგათი დამთავრებული — რომლებიც გამოჯანმრთელების ახალ გზებს გვთავაზობენ ტვინის ბუნებრივი ნეიროპლასტიურობის გააქტიურებით. დოქტორ ვან დერ კოლკისა და სხვა წამყვანი სპეციალისტების კვლევებზე დაყრდნობით, „სხეული იმახსოვრებს ყველაფერს“ ააშკარავებს ჩვენი ურთიერთობების უზარმაზარ ძალას — როგორც ტკივილის მიყენების, ისე განკურნების მხრივ — და გვაძლევს ახალ იმედს ცხოვრების სადავეების დასაბრუნებლად.