ტოდ ანდერსონსა და მის მეგობრებს უელტონის აკადემიიდან ძლივს სჯერათ, რამდენად შეიცვალა მათი ცხოვრება მას შემდეგ, რაც ინგლისური ენის ახალმა, ექსცენტრიულმა მასწავლებელმა, ჯონ კიტინგმა, მათ მოუწოდა: „თქვენი ცხოვრება გამორჩეულად აქციეთ!“

კიტინგით შთაგონებული ბიჭები აღადგენენ „მკვდარი პოეტების საზოგადოებას“ — საიდუმლო კლუბს, სადაც სკოლისა და მშობლების შეზღუდვებისა და მოლოდინებისგან თავისუფლები, საკუთარ ვნებებსა და მისწრაფებებს სრულ გასაქანს აძლევენ.

როდესაც კიტინგი ბიჭებს ბაირონის, შელისა და კიტსის დიდებულ პოეზიას აზიარებს, ისინი არა მხოლოდ სიტყვების სილამაზეს აღმოაჩენენ, არამედ იმასაც აცნობიერებენ, თუ რამდენად მნიშვნელოვანია ყოველი წამის დაფასება და ცხოვრების სრულად განცდა.

თუმცა „მკვდარი პოეტების საზოგადოების“ წევრები მალე ხვდებიან, რომ ახლად მოპოვებულ თავისუფლებას შესაძლოა ტრაგიკული შედეგებიც მოჰყვეს.

შეძლებს კი საიდუმლო კლუბი და მის მიერ შთაგონებული ინდივიდუალიზმი იმ ავტორიტეტების ზეწოლას გაუძლოს, რომლებიც მათი ოცნებების განადგურებას ცდილობენ?