ძველი წესების წიგნი წარსულს ჩაბარდა. ლიდერობა უკვე აღარ ნიშნავს მხოლოდ ადამიანების მართვას — ის ქაოსის მართვასაც გულისხმობს.

სამოცი მოკლე, მკაფიო და პრაქტიკულ გაკვეთილში გამოცდილი აღმასრულებელი დირექტორი და სატელევიზიო შოუს The Apprentice-ის ინტერვიუერი, მაიკ საუტარი, გვასწავლის, როგორ გამოვიჩინოთ სტრატეგიული გამბედაობა და ვუხელმძღვანელოთ გუნდს მუდმივი ცვლილებებისა და სწრაფად განვითარებადი ბიზნესგარემოს პირობებში.

ეს წიგნი უარყოფს მოძველებულ და აბსტრაქტულ თეორიებს და მათ ნაცვლად გვთავაზობს მნიშვნელოვან სააზროვნო მოდელებს, რომლებიც უპრეცედენტო გამოწვევების დროს სწორი გადაწყვეტილებების მიღებაში დაგვეხმარება.

საუტარის მრავალწლიანი სამუშაო გამოცდილების საფუძველზე შეიტყობთ:

• როგორ აქციოთ ორგანიზაციაში არსებული შიდა კონფლიქტები კონკურენტულ უპირატესობად;

• როგორ გარდაქმნათ მარცხი თქვენს ყველაზე ღირებულ ინვესტიციად;

• რატომ შეიძლება ზოგჯერ ზედმეტი გონივრულობა ისეთ ფუფუნებად იქცეს, რომლის უფლებასაც ვერც ერთი ლიდერი საკუთარ თავს ვერ მისცემს.

ინტერვიუებიდან, რეალური შემთხვევების ანალიზიდან, პირადი გამოცდილებიდან და ისტორიებიდან აღებული გულწრფელი და ექსკლუზიური რჩევებით, „ახალი თაობის აღმასრულებელი დირექტორი“ (Next Gen CEO) სწორედ იმ დროს გამოჩნდა, როდესაც ბიზნესისადმი ჩვენი მიდგომის შეცვლა აუცილებელია, სანამ გვიანი არ გამხდარა.

მოძველებული ბიზნესმოდელების ეპოქა დასრულდა. უბრალოდ ნუ ეცდებით სწრაფად ცვალებად ბიზნესგარემოში გადარჩენას — თავად შექმენით ის გარემო, რომელშიც გსურთ წარმატების მიღწევა.

ავტორის შესახებ

მაიკ საუტარი წარმატებული მედია-მეწარმეა და ლორდ შუგარის ერთ-ერთი სანდო მრჩეველი BBC-ის სატელევიზიო შოუში The Apprentice.

ის არის კომპანია Shortlist Media-ს თანადამფუძნებელი. საუტარმა ეს კომპანია ხუთკაციანი სტარტაპიდან 180 თანამშრომლის მქონე, არაერთი ჯილდოს მფლობელ საწარმოდ აქცია, რომელიც საბოლოოდ რამდენიმე მილიონ ფუნტ სტერლინგად გაყიდა.

მედიაინდუსტრიაში სამ ათწლეულზე მეტი გამოცდილების მქონე საუტარი წლების განმავლობაში ავითარებდა ბიზნესებს და ახალ ლიდერებს მენტორობას უწევდა.

მას აქვს სხვადასხვა ხელმძღვანელი და საკონსულტაციო პოზიცია ტექნოლოგიების, მედიისა და კულტურის სფეროებში. იგი ცნობილია მეწარმეობის, გამძლეობისა და ლიდერობისადმი თავისი პირდაპირი, პრაქტიკული და უშუალო მიდგომით.