დრაკონების ისტორიისა და მითოლოგიის გრანდიოზული გზამკვლევი მთელი მსოფლიოდან, რომელიც განკუთვნილია ფენტეზის ჟანრით გატაცებული ბავშვებისთვის. წიგნის ავტორია შუა საუკუნეების ისტორიკოსი, დოქტორი ქეით სტივენსონი. იდეალური საკითხავია მათთვის, ვისაც „როგორ მოვარჯულოთ დრაკონი“ მოსწონს.

ათასობით წლის განმავლობაში ადამიანები დრაკონების ან ეშინოდათ, ან მათ ეთაყვანებოდნენ — იქნებოდნენ ეს ევროპული მითოლოგიის ფრთიანი, ცეცხლისმფრქვეველი ურჩხულები თუ აზიური მითოლოგიის გველისმაგვარი წყლის ღვთაებები.

ცინთია ალვარესის ულამაზესი ილუსტრაციებით გაფორმებული ეს წიგნი მკითხველს უძველესი მითებით მოხიბლავს და გააცნობს იმ კულტურებს, რომლებმაც ეს ლეგენდარული ურჩხულები წარმოშვა.

წიგნში შეხვდებით შემდეგ ისტორიებს:

• ფაფნირი (Fáfnir) — სკანდინავიური მითოლოგიის დრაკონი, რომელსაც საკუთარი სიხარბე დაღუპავს.

• ქალი დრაკონებზე მონადირე — პერსონაჟი არაბული ზღაპრების კრებულიდან „ათას ერთი ღამე“.

• აპოფისი (Apophis) — ძველი ეგვიპტური მითოლოგიის დრაკონის ღვთაება, რომელიც ქვესკნელში დაძრწის.

მკითხველები ასევე შეიტყობენ დრაკონებსა და დინოზავრებს შორის კავშირის შესახებ, გაეცნობიან რეალურ დრაკონებს, მაგალითად, კომოდოს ვარანებსა და წვერიან აგამებს, შეისწავლიან დრაკონის თანავარსკვლავედებს, შეხვდებიან ჯ. რ. რ. ტოლკინის შუახმელეთის დრაკონებს და აღმოაჩენენ, რატომ სარგებლობს ისეთი თამაშები, როგორიცაა Dungeons & Dragons, ასეთი პოპულარობით.

ეს არის ყველაფერი, რისი ცოდნაც დრაკონებით გატაცებულ ბავშვებს ოდესმე მოუნდებათ!