ეს არის The Stormlight Archive-ის პირველი სიუჟეტური რკალის ნანატრი, ფეთქებადი ფინალი — „ნიუ-იორკ თაიმსის“ №1 ბესტსელერი და ეპიკური ფენტეზის გამორჩეული ნაწარმოები, რომლის 10 მილიონზე მეტი ეგზემპლარია გაყიდული. მისი ავტორია ცნობილი ბესტსელერების შემქმნელი ბრენდონ სანდერსონი.

დალინარ ხოლინმა ბოროტ ღმერთ ოდიუმს ჩემპიონთა შეჯიბრებაში გამოწვევა ესროლა, რომლის შედეგზეც როშარის მომავალია დამოკიდებული. ნათელმოსილ რაინდებს მოსამზადებლად მხოლოდ ათი დღე აქვთ, ხოლო მზაკვარი და დაუნდობელი ტარავანგიანის მოულოდნელმა აღზევებამ, რომელმაც ოდიუმის ადგილი დაიკავა, ყველაფერი თავდაყირა დააყენა.

მსოფლიოს სხვადასხვა კუთხეში გააფთრებული ბრძოლები ერთდროულად გრძელდება: ადოლინი აზირშია, სიგზილი და ვენლი — დამსხვრეულ ველებზე, ხოლო ჯასნა — ტეილენაში.

ყოფილმა მკვლელმა, სზეტმა, თავისი სამშობლო შინოვარი არაქმნილთა ბნელი გავლენისგან უნდა გაათავისუფლოს. მას კალადინი ახლავს, რომელიც სზეტს საკუთარ შინაგან დემონებთან ბრძოლაში ეხმარება. ამავდროულად, კალადინმა იგივე უნდა გააკეთოს ყოვლისშემძლე ღმერთის შეშლილ მაცნე იშართან დაკავშირებითაც.

ამ დროს შალანი, რენარინი და რალინი ცდილობენ ამოხსნან საიდუმლო, რომელიც არაქმნილ ბა-ადო-მიშრამს უკავშირდება. მათ უნდა გაარკვიონ, რა როლი ითამაშა მან მომღერალთა რასის დამონებაში და იმ უძველესი ნათელმოსილი რაინდების გადაწყვეტილებაში, რომლებმაც საკუთარ სპრენებს უღალატეს და დახოცეს.

დალინარი და ნავანი კი ოდიუმის ჩემპიონთან დაპირისპირებისთვის უპირატესობის მოპოვებას ცდილობენ. ამის გასაღები მხოლოდ სულიერ სამყაროში შეიძლება იპოვონ — ქაოსურ განზომილებაში, სადაც მოგონებები და შესაძლებლობები ერთმანეთს ერწყმის.

მთელი კოსმერის ბედი სასწორზე დევს.