„ყვითელში ჩაცმული დები“ — „The Times“:

„ამ რომანით კავაკამი ამტკიცებს, რომ ის დღეს მოღვაწე იაპონელ რომანისტებს შორის კვლავ ყველაზე საინტერესო ავტორია.“

გულისშემძვრელი ისტორია 1990-იანი წლების ტოკიოში მცხოვრები თინეიჯერი გოგონების შესახებ, რომლებიც ცხოვრების ზღვარზე აღმოჩნდნენ. რომანის ავტორია საერთაშორისო ბუკერის პრემიის მოკლე სიაში მოხვედრილი მწერალი, „სამოთხისა“ და „მკერდისა და კვერცხების“ ავტორი.

ჰანას არაფერი გააჩნია, თუმცა იმედს არ კარგავს. ის მხოლოდ თხუთმეტი წლისაა. დედასთან ერთად ტოკიოს გარეუბანში, პატარა ბინაში ცხოვრობს. დედამისი ერთ-ერთ ადგილობრივ, იაფფასიან ბარში მასპინძლად მუშაობს. მათ არც ფული აქვთ და არც მომავლის გარანტია.

და სწორედ ამ დროს ჩნდება კიმიკო.

კიმიკო ჰანაზე უფროსია და მის ბნელ სამყაროში კაშკაშა სინათლესავით შემოიჭრება. ისინი ერთად ხსნიან ბარს, სახელად „ლიმონი“. მიუხედავად იმისა, რომ ბარი ღარიბულ გარემოშია მოწყობილი და მისი კლიენტურა საეჭვო რეპუტაციით სარგებლობს, ჰანასთვის ის ნამდვილ თავშესაფრად იქცევა.

უცებ ჰანას უჩნდება საქმე, რომელიც უყვარს, მეგობრები, რომლებთან ერთადაც დღეებს ატარებს, და ფულის შოვნის მომაჯადოებელი პერსპექტივა. ის თავს ჩვეულებრივ გოგონად გრძნობს. თავს უძლეველად მიიჩნევს.

მაგრამ სანგენჯაიას ვიწრო ქუჩებში ყველაფერი ისეთი არ არის, როგორიც ერთი შეხედვით ჩანს. მალე ჰანას იმედი, ოპტიმიზმი და მიზანდასახულობა უმძიმესი გამოცდის წინაშე აღმოჩნდება...

მტკიცე მეგობრობისა და ღრმა ღალატის ამბავი — „ყვითელში ჩაცმული დები“ თინეიჯერული ოცნებებისა და ზრდასრულთა სისასტიკის ბრწყინვალე ნაწარმოებია, რომელიც კიდევ ერთხელ ადასტურებს მიეკო კავაკამის ადგილს თავისი თაობის ერთ-ერთი უდიდესი მწერლის რანგში.

რას ამბობენ მკითხველები „ყვითელში ჩაცმული დების“ შესახებ:

• „ჩემი ახალი საყვარელი წიგნია — ყველა დროის საუკეთესო! დასასრულმა სრულიად გამანადგურა.“

• „მეგობრობის, გადარჩენისა და სოციალური უთანასწორობის უხმო სისასტიკის ძლიერი და ემოციურად დატვირთული კვლევა.“

• „მიეკო კავაკამის დაძაბულობის შესაქმნელად სწრაფი დევნის სცენები არ სჭირდება; ის მძიმე და შემაშფოთებელ ატმოსფეროს ისე ქმნის, რომ ეს განცდა წიგნის თითოეულ გვერდში აღწევს.“

• „ეს რომანი კიდევ ერთხელ ადასტურებს კავაკამის, როგორც თანამედროვე ლიტერატურის ერთ-ერთი ყველაზე მნიშვნელოვანი ხმის, ადგილს.“

• „პერსონაჟების დახასიათება უმაღლეს დონეზეა... მიეკო კავაკამი თავისი თაობის გამორჩეული ტალანტია.“

• „ეს კავაკამია მთელი თავისი დიდებულებით. წიგნში არც ერთი წამით არ ნელდება თხრობის ტემპი.“