„ბრძენმა იცის, რომ არაფერი იცის. სულელმა კი ისიც არ იცის, რომ არაფერი იცის“.

— ლაო ძი

„დასავლეთში მხოლოდ ექსპერტებს სცემენ პატივს. მაგრამ ექსპერტის გონება ჩაკეტილი გონებაა“.

— შუნრიუ სუძუკი

რა არის ყველაზე მნიშვნელოვანი ნაბიჯი საბურავის გახვრეტის შესაკეთებლად?

ეს არც მანქანის აწევაა, არც ბორბლის მოხსნა და არც ნახვრეტის პოვნა.

ამ ყველაფერზე უფრო ფუნდამენტური რაღაც არსებობს.

რაღაც, რის გარეშეც საბურავის შეკეთებას საერთოდ ვერ დაიწყებ.

ყველაზე მნიშვნელოვანი ნაბიჯი იმის აღმოჩენაა, რომ საბურავი გაგეხვრიტა. ამის გარეშე ვერაფერს გააკეთებ.

იმის ნაცვლად, რომ საკუთარ თავს უთხრა: „უბრალოდ, ცოტა ხორკლიანად მიდის მანქანა, ალბათ გზა არის ასეთი“, და გზა გააგრძელო, უნდა აღიარო, რომ რაღაც შეიცვალა და არ იცი, რა მოხდა.

თუ არ აღიარებ, რომ არ იცი, რა ხდება, ვერასოდეს გაარკვევ სიმართლეს.

თუ ვერ გაარკვევ, ვერაფერს შეცვლი.

ყველაზე მნიშვნელოვანი ნაბიჯი ყოველთვის იმის აღიარებაა, რომ არ იცი.

სწორედ ეს არის უცოდინრობის ძალა.

თავის ახალ კრებულში, რომელიც რეალურ ამბებს ეფუძნება, დეივ ტროტი გვთავაზობს გაკვეთილებს პრობლემების გადაჭრისა და შემოქმედებითი აზროვნების შესახებ — პრინციპებს, რომელთა გამოყენებაც შესაძლებელია რეკლამაში, ბიზნესსა და ზოგადად ცხოვრებაში.

მისთვის დამახასიათებელი იუმორით, სიბრძნითა და კრიტიკული თვალით ავტორი გვიჩვენებს, რომ პრობლემების საუკეთესო გადამჭრელები და ყველაზე შემოქმედებითი ადამიანები სწორედ ისინი არიან, რომლებსაც არ ეშინიათ თქვან:

„არ ვიცი“.