ფულის ადგილი ბედნიერ ცხოვრებაში

როგორ უკავშირდება ფული ბედნიერ ცხოვრებას?

წიგნში „სიმდიდრის გეომეტრია“ (The Geometry of Wealth) ქცევითი ფინანსების ექსპერტი ბრაიან პორტნოი ამ კითხვაზე შთამაგონებელ პასუხს გვთავაზობს. მისი მთავარი იდეის თანახმად, სიმდიდრე, თავისი ნამდვილი მნიშვნელობით, არის ფინანსურად უზრუნველყოფილი კმაყოფილება. ეს არის შესაძლებლობა, ფინანსური რესურსების დახმარებით შექმნა ისეთი ცხოვრება, რომელსაც აზრი და ღირებულება აქვს.

ეს სრულიად განსხვავდება გამდიდრების დაუსრულებელი მცდელობისგან, რომელიც, როგორც წესი, არასოდეს გვაკმაყოფილებს და მუდმივ რბოლად იქცევა.

ამ ახალი და განსაკუთრებული ხედვის საფუძველზე პორტნოი მკითხველს სიმდიდრისკენ მიმავალ გზაზე მოგზაურობაში იწვევს. ამ გზაზე ის ცოდნას სხვადასხვა სფეროდან აერთიანებს — უძველესი ისტორიიდან დაწყებული, თანამედროვე ნეირომეცნიერებით დამთავრებული.

ავტორი ამტკიცებს, რომ ბედნიერი და აზრიანი ცხოვრების შესახებ დიდ კითხვებზე პასუხების ძიება და ფინანსურ გადაწყვეტილებებზე ზრუნვა ერთმანეთისგან დამოუკიდებელი კი არა, ურთიერთშემავსებელი პროცესებია.

ეს მნიშვნელოვანი კითხვები მოიცავს:

• როგორ არის მოწყობილი ადამიანის ტვინი ბედნიერების ორი განსხვავებული განცდისთვის? და რატომ შეუძლია ფულს ერთის „ყიდვა“, მეორის კი — არა?

• არის თუ არა აზრიანი ცხოვრების მთავარი საყრდენები ფინანსურად ხელმისაწვდომი?

• რატომ არის ფინანსური ბაზრების ცოდნა სიმდიდრის შექმნის ყველაზე ნაკლებად მნიშვნელოვანი წყარო, მაშინ როდესაც თვითშემეცნება ერთ-ერთი უმნიშვნელოვანესია?

• შეგვიძლია თუ არა ბალანსის პოვნა მეტის მიღწევის სწრაფვასა და იმით კმაყოფილებას შორის, რაც უკვე საკმარისია?

ეს მოგზაურობა სიმბოლურად სამ ძირითად გეომეტრიულ ფიგურას — წრეს, სამკუთხედსა და კვადრატს — მიჰყვება. ისინი გვეხმარება წარმოვიდგინოთ, როგორ ვერგებით ცვალებად გარემოებებს, როგორ განვსაზღვრავთ მკაფიო პრიორიტეტებს და როგორ ვპოულობთ ძალას სიმარტივეში.

ამ მარტივად აღსაქმელ და საინტერესოდ დაწერილ წიგნში პორტნოი გვიჩვენებს, რომ ნამდვილი სიმდიდრის მიღწევა ბევრისთვის შესაძლებელია — მათთვისაც კი, ვისაც ჰგონია, რომ ეს მიუღწეველი ოცნებაა.

თუმცა ამისთვის აუცილებელია ისეთი ცხოვრების შექმნა, რომელშიც მიზანი და ყოველდღიური პრაქტიკა გააზრებულად და ჰარმონიულად არის ერთმანეთთან შეთანხმებული.