„წაიკითხეთ ეს წიგნი და თქვენს სიცოცხლეს, სულ მცირე, ორი კვირა შემატებთ.“ — ჯერემი ვაინი

„ნამდვილი, პრაქტიკული და ძალიან საჭირო წიგნია.“ — ოლივერ ბერკმანი, ბესტსელერის, „ოთხი ათასი კვირის“ (Four Thousand Weeks) ავტორი.

როგორ მუშაობს სტრესი (How Stress Works)

რატომ განვიცდით სტრესს? და როგორ შეგვიძლია მდგომარეობის შეცვლა?

„როგორ მუშაობს სტრესი“ წამყვანი მკვლევრის, რიჩარდ მაკენზისა და ჟურნალისტ პიტერ უოკერის ერთობლივი, ინოვაციური ნაშრომია.

სტრესის ჰორმონების მეცნიერების, რეალური ადამიანების ისტორიების, სტრესის ისტორიული განვითარების, საზოგადოებრივი ფაქტორებისა და მათ შორის არსებული ურთიერთკავშირების შესწავლით, მაკენზი და უოკერი ზუსტად განმარტავენ, როგორ მუშაობს სტრესი და რა შეგვიძლია გავაკეთოთ, რათა შევამციროთ მისი გრძელვადიანი გავლენა ჯანმრთელობაზე.

ეს არის წიგნი, რომელიც სტრესის მრავალფეროვან ბუნებასა და იმაზე გვესაუბრება, თუ როგორ მოქმედებს ის თითოეულ ჩვენგანზე.

წიგნიდან შეიტყობთ, როგორ მოქმედებს სტრესი და როგორ ურთიერთქმედებს ის შემდეგ ფაქტორებთან:

• ჰორმონები;

• სხეულის წონა;

• მეორე ტიპის დიაბეტი;

• სამუშაო და სოციალურ-ეკონომიკური მდგომარეობა;

• ნაყოფიერება და ორსულობა;

• ადრეული ბავშვობა და აღზრდის პირობები.

ასევე გაეცნობით პრაქტიკულ და მოქნილ სტრატეგიებს, რომლებიც სტრესთან გამკლავებაში დაგეხმარებათ როგორც სახლში, ისე სამსახურში.

მეცნიერული აღმოჩენებითა და საინტერესო ისტორიებით სავსე წიგნი მნიშვნელოვან კითხვებს პასუხობს და გავრცელებულ მითებს ამსხვრევს.

იცოდით, რომ დაბალნახშირწყლოვანმა დიეტამ შეიძლება კორტიზოლის დონე გაზარდოს? იგივე შეუძლია მაღალი ინტენსივობის ინტერვალურ ვარჯიშსაც (HIIT), რასაც, თავის მხრივ, ინსულინისა და გლუკოზის დონის მკვეთრი მატება შეიძლება მოჰყვეს.

იცოდით, რომ სტრესის ჰორმონებს ყველა სქესის ადამიანში შეუძლიათ ნაყოფიერებაზე გავლენის მოხდენა?

მაკენზი და უოკერი ასევე განიხილავენ სტრესისა და საზოგადოების ურთიერთკავშირს. მაგალითად, ნამდვილად არის თუ არა დაბალშემოსავლიან საზოგადოებებში მეორე ტიპის დიაბეტის უფრო მაღალი გავრცელება მხოლოდ ჯანსაღი საკვებისა და ფიზიკური აქტივობის ნაკლებობით გამოწვეული, თუ სიღარიბით გამოწვეული სტრესიც მნიშვნელოვან როლს ასრულებს?

ერთი რამ ცხადია: სტრესი რთული და ინდივიდუალური მოვლენაა, რომელსაც მრავალი გამომწვევი ფაქტორი აქვს.

წიგნში „როგორ მუშაობს სტრესი“ ავტორები გვთავაზობენ მოსაზრებას, რომ სტრესის დიდი ნაწილი (თუ არა უმეტესი) ჩვენს კონტროლს მიღმა არსებული გარემოებებით არის გამოწვეული.

თუ სტრესს განიცდით, ეს თქვენი ბრალი არ არის.

თუმცა იმის ცოდნა და გააზრება, თუ რა პროცესები მიმდინარეობს თქვენს ორგანიზმში სტრესის დროს, მისი შემცირებისკენ გადადგმული მნიშვნელოვანი ნაბიჯია.