ფონდებში ინვესტირება მარტივი არ არის. ჩვენ არჩევანის უამრავი შესაძლებლობის წინაშე ვდგავართ და მუდმივად გვიფანტავს ყურადღებას უაზრო ხმაური და არასტაბილური ბაზრები. მდგომარეობას კიდევ უფრო ართულებს ჩვენი მცდარი შეხედულებები და ქცევითი მიკერძოებები, რომლებიც განმეორებით და ძვირადღირებულ შეცდომებს გვაშვებინებს. ასეთია, მაგალითად, წარსული შედეგებით გადაჭარბებული გატაცება და თემატურ საინვესტიციო ფონდებზე სახიფათო დამოკიდებულება.

თუმცა არსებობს გამოსავალი — ფონდებში ინვესტირების უფრო გონივრული გზა.

წიგნში „ინტელექტუალური ინვესტორი ფონდებში“ (The Intelligent Fund Investor) გამოცდილი პორტფელის მმართველი და ქცევითი ფინანსების ექსპერტი ჯო უიგინსი ფონდებში ინვესტირებას სიმარტივესა და სიცხადეს სძენს. ამ საინტერესო და ადვილად წასაკითხი წიგნის თითოეული თავი ინვესტირების მნიშვნელოვან ასპექტს ეძღვნება — განიხილავს, როგორ და რატომ უშვებენ ინვესტორები სერიოზულ შეცდომებს და გვთავაზობს კონკრეტულ, პრაქტიკულ ნაბიჯებს უკეთესი შედეგების მისაღწევად.

ჯო განმარტავს: რატომ უნდა მოვერიდოთ ვარსკვლავ მენეჯერებთან ინვესტირებას; როგორ ავირჩიოთ აქტიურ და პასიურ ფონდებს შორის; რატომ უნდა ვუფრთხილდეთ ზედმეტად სტაბილურ საინვესტიციო შედეგებსა და მიმზიდველ ისტორიებს; რატომ არის რისკი გაცილებით მეტი, ვიდრე უბრალოდ ფასების მერყეობა; რამდენად მნიშვნელოვანია ინვესტირების ხანგრძლივი დროითი ჰორიზონტი და კიდევ ბევრ სხვა საკითხს.

ისტორიების, ემპირიული მტკიცებულებებისა და პირადი გამოცდილების გაერთიანებით, ჯო ყველა ტიპის ინვესტორს — როგორც აქტიური, ისე პასიური ფონდების მომხმარებლებს — აძლევს საჭირო ცოდნას, რათა გადააფასონ საკუთარი შეხედულებები, გააცნობიერონ ქცევითი მიკერძოებები და მიიღონ უკეთესი საინვესტიციო გადაწყვეტილებები.