აღმოაჩინეთ სიტყვებისა და საუბრების გარდამქმნელი ძალა წიგნში „სიტყვების ძალა“ (The Power of Words) — ცნობილი ნეირომეცნიერის, მარიანო სიგმანის, ღრმა შინაარსის მქონე და შთამაგონებელ საერთაშორისო ბესტსელერში.

„ეს არის ყოვლისმომცველი პრაქტიკული გზამკვლევი ყველასთვის, ვისაც სურს გააუმჯობესოს კომუნიკაციის უნარები და განვითარდეს, როგორც პიროვნება.“ — მეტ აბრაჰამსი, წიგნის Think Faster, Talk Smarter ავტორი.

ყოველ კვირას ასობით საუბარში ვმონაწილეობთ — პირისპირ, ონლაინ და საკუთარ თავთანაც კი. მაგრამ ოდესმე დაფიქრებულხართ იმ სიტყვებზე, რომლებსაც იყენებთ? ის, თუ როგორ აღვწერთ საკუთარ თავსა და ჩვენს გარშემო არსებულ სამყაროს, განსაზღვრავს ჩვენს გადაწყვეტილებებს, ემოციებსა და მოქმედებებს.

მარიანო სიგმანი, მსოფლიოში აღიარებული ნეირომეცნიერი და ბესტსელერების ავტორი, გვიჩვენებს, რომ საუბარი პოზიტიური ცვლილებების, უკეთესი ურთიერთობებისა და კრიტიკული აზროვნების განვითარების ერთ-ერთი უმნიშვნელოვანესი ინსტრუმენტია. მრავალრიცხოვან კვლევებზე დაყრდნობით, ის ამტკიცებს, რომ ჩვენი გონება გაცილებით უფრო მოქნილია, ვიდრე გვგონია, და რომ ენაში უმცირეს ცვლილებებსაც კი შეუძლია გარდაქმნას ჩვენი ჩვევები და აღქმა. ამის გაცნობიერება დაგვეხმარება, გავთავისუფლდეთ შემზღუდველი შეხედულებებისგან და გავუმკლავდეთ დეზინფორმაციას, რომელსაც ყოველდღიურად ვაწყდებით.

თანამედროვე ფსიქოლოგიასა და ნეირომეცნიერებაზე დაფუძნებული პრაქტიკული რჩევებით გაჯერებული ეს გონებამახვილური და ინტელექტუალური წიგნი მოგვიწოდებს, ღიად შევხედოთ საკუთარი შეცდომებისა და მცდარი შეხედულებების შესაძლებლობას. თუ საუბრებს პიროვნული ზრდის ინსტრუმენტად გამოვიყენებთ, ვისწავლით, როგორ ვეკომუნიკაციოთ უკეთ სხვებს და, რაც ყველაზე მნიშვნელოვანია, საკუთარ თავს. ეს კი უფრო სრულფასოვანი და წარმატებული ცხოვრების შესაძლებლობას მოგვცემს.

„წიგნი სავსეა საინტერესო იდეებითა და პრაქტიკული რჩევებით. აუცილებელი საკითხავია ყველასთვის, ვისაც სურს გაიაზროს, რამდენად ღრმა გავლენას ახდენს ენა ჩვენზე და მთლიანად საზოგადოებაზე.“ — ერიკა დჰავანი, წიგნის Digital Body Language ავტორი.