ათწლეულების განმავლობაში ათასობით ადამიანი იკრიბებოდა ნებრასკის შტატის ქალაქ ომაჰაში, Berkshire Hathaway-ის ყოველწლიურ საერთო კრებაზე, რათა უორენ ბაფეტისა და ჩარლი მანგერსთვის კითხვები დაესვათ ყველაფერზე — წარმატებული ინვესტორების ფსიქოლოგიიდან დაწყებული, Coca-Cola-სა და Apple-ის მომავლით დამთავრებული. თუმცა, თუ ამ შეხვედრებს პირადად არ ესწრებოდით, მრავალი წლის განმავლობაში მხოლოდ იმ ინფორმაციაზე მიგიწვდებოდათ ხელი, რომლის დამახსოვრება და სხვებისთვის გადმოცემაც დამსწრეებმა შეძლეს.

2018 წელს Berkshire-მა 1994 წლიდან მოყოლებული ყოველწლიური შეხვედრების საარქივო ჩანაწერები გამოაქვეყნა. ალექს მორისმა — აქციების ბაზრის ანალიტიკოსმა და ფინანსურმა მწერალმა — ამ შეხვედრების ასობით საათის ვიდეოჩანაწერი (მათ შორის, 2018 წლის შემდეგ გამართული ექვსი ყოველწლიური კრების ჩანაწერებიც) ნახა. მან შეისწავლა Berkshire Hathaway-ის აქციონერების მიერ ბოლო 31 წლის განმავლობაში დასმული 1 700-ზე მეტი კითხვა. შემდეგ კი ყველაზე საინტერესო მასალა შეაგროვა, დაახარისხა და რედაქტირება გაუკეთა, რათა მკითხველისთვის სრულყოფილი და ადვილად აღსაქმელი ფორმით წარედგინა. ასე შეიქმნა წიგნი „ბაფეტი და მანგერი — თავისუფალი საუბრები“ (Buffett and Munger Unscripted).

კაპიტალის გონივრულად განაწილების ხელოვნებიდან დაწყებული, მენეჯმენტის შეფასებისა და ანაზღაურების საუკეთესო მეთოდებით გაგრძელებული, ბაზრების ბუნების გააზრებითა და გრძელვადიანი საინვესტიციო ჰორიზონტის ძალის გამოყენებით დასრულებული — ამ წიგნის თითოეული გვერდი შთამბეჭდავ ცოდნასა და მნიშვნელოვან მიგნებებს გვთავაზობს. გარდა იმისა, რომ მასში თავმოყრილია მრავალი ცნობილი ციტატა თავდაპირველ კონტექსტთან ერთად, წიგნი ინვესტირებისა და ბიზნესის ყველა ასპექტის შესახებ ღირებული ცოდნის ნამდვილი საგანძურია.

აღმოაჩინეთ, რატომ უნდა მოვერიდოთ რთული გადაწყვეტილებების მიღებისგან თავის არიდებას; რა არის პირველი კითხვა, რომელიც პოტენციური ახალი ინვესტიციის განხილვისას უნდა დავსვათ; როგორ გამოვასწოროთ წარუმატებელი ინვესტიციების შედეგები; რამდენად მნიშვნელოვანია პარტნიორობისთვის სწორი მფლობელების შერჩევა; გაეცანით ბაფეტისა და მანგერის მიერ რეკომენდებულ წიგნებს და კიდევ უამრავ საინტერესო საკითხს.

უორენ ბაფეტის წიგნის The Essays of Warren Buffett: Lessons for Corporate America და Poor Charlie’s Almanack-ის შესანიშნავი დამატება — „Buffett and Munger Unscripted“ — აუცილებლად უნდა იკავებდეს ადგილს ყველას წიგნების თაროზე, ვისაც ბიზნესსა და ინვესტირებაში გრძელვადიანი წარმატების მიღწევის საიდუმლოებები აინტერესებს.