აკადემიური წიგნები
How Not To Die
„ეს წიგნი შესაძლოა დაეხმაროს იმ ადამიანებს, რომლებიც მიდრეკილნი არიან ისეთი დაავადებებისკენ, რომელთა თავიდან აცილებაც სწორი კვებით არის შესაძლებელი.“ — უწმინდესი დალაი ლამა
საერთაშორისო ბესტსელერში, დოქტორ მაიკლ გრეგერის წიგნში „როგორ არ მოვკვდეთ“ (How Not To Die), წარმოდგენილია ეფექტური და მეცნიერულად დადასტურებული კვების რეკომენდაციები, რომლებიც გვეხმარება თავიდან ავიცილოთ ყველაზე გავრცელებული და სიცოცხლისთვის საშიში დაავადებები — მათ შორის გულის დაავადებები, ძუძუსა და პროსტატის კიბო, მაღალი არტერიული წნევა და დიაბეტი. წიგნი ასევე გვიჩვენებს, თუ რამდენად გასაოცარი სარგებელი შეიძლება მოუტანოს ჩვენს ჯანმრთელობას კვების რაციონში შეტანილმა მარტივმა ცვლილებებმა.
რატომ უნდა დავეყრდნოთ მედიკამენტებსა და ქირურგიულ ჩარევას სიცოცხლისთვის საშიში დაავადებების სამკურნალოდ, მაშინ როცა სწორი გადაწყვეტილებებით თავიდანვე შეგვიძლია მათი განვითარების რისკის შემცირება?
უახლეს სამეცნიერო კვლევებზე დაყრდნობით, წიგნი How Not To Die განიხილავს ყველაზე გავრცელებულ დაავადებებს და გვიხსნის, რომელი საკვები, როგორ და რატომ მოქმედებს ჩვენს ორგანიზმზე. ავტორი გვიჩვენებს, როგორ შეიძლება გარკვეული პროდუქტების მოხმარების გაზრდამ და სხვების შეზღუდვამ მნიშვნელოვნად შეამციროს დაავადებების განვითარების რისკი და ზოგიერთ შემთხვევაში დაავადების შედეგების უკუგანვითარებასაც შეუწყოს ხელი.
წიგნში ასევე წარმოდგენილია დოქტორ გრეგერის ცნობილი „ყოველდღიური თორმეტეული“ (Daily Dozen) — თორმეტი სახეობის საკვები, რომელიც ჯანმრთელობის შესანარჩუნებლად ყოველდღიურად უნდა მივიღოთ.
ოჯახის ჯანმრთელობის ინდივიდუალური ისტორიის გათვალისწინებით და იმის აღიარებით, რომ თითოეულ ადამიანს განსხვავებული საჭიროებები აქვს, დოქტორი მაიკლ გრეგერი გვთავაზობს პრაქტიკულ კვებით რეკომენდაციებს, რომლებიც დაგვეხმარება უფრო დიდხანს და ჯანმრთელად ვიცხოვროთ.
„დოქტორი მაიკლ გრეგერი გვიმხელს, რომელი საკვები პროდუქტები დაგვეხმარება უფრო დიდხანს სიცოცხლეში.“ — Daily Mail
