The New York Times-ისა და Wall Street Journal-ის №1 ბესტსელერი

„ლურჯი ოკეანისკენ გარდაქმნა“ (Blue Ocean Shift) არის აუცილებელი გაგრძელება ცნობილი წიგნისა „ლურჯი ოკეანის სტრატეგია“ (Blue Ocean Strategy), რომელიც მსოფლიო ბესტსელერია და 3,6 მილიონი ეგზემპლარი გაიყიდა. მისი ავტორები არიან მსოფლიოში აღიარებული პროფესორები უ. ჩენ კიმი და რენე მობორნი.

ათწლეულზე მეტი ხნის ახალი კვლევისა და მუშაობის საფუძველზე, კიმი და მობორნი გვიჩვენებენ, როგორ უნდა გავცდეთ კონკურენციის ჩვეულებრივ ჩარჩოებს, როგორ მოვიპოვოთ ადამიანების ნდობა და აღმოვაჩინოთ ზრდის ახალი შესაძლებლობები. ისინი ეტაპობრივად გვიხსნიან, როგორ გადავიყვანოთ ორგანიზაცია „წითელი ოკეანიდან“, სადაც კონკურენცია უკიდურესად მაღალია, „ლურჯ ოკეანეში“ – ბაზრის ისეთ სივრცეში, სადაც პირდაპირი კონკურენცია არ არსებობს.

ადამიანის ფსიქოლოგიის ცოდნის, ბაზრის შექმნის პრაქტიკული ინსტრუმენტებისა და რეალურ გამოცდილებაზე დაფუძნებული რჩევების გაერთიანებით, ავტორები გვთავაზობენ ამომწურავ სახელმძღვანელოს იმის შესახებ, თუ როგორ შეგვიძლია საკუთარი თავის, გუნდის ან მთლიანად ორგანიზაციის ახალ სიმაღლეზე აყვანა – თავდაჯერებულობის გაძლიერების, ახალი ბაზრების შექმნისა და ზრდის გზით. ისინი ასევე განმარტავენ, რატომ არის ახალი ღირებულების შექმნა არსებული ბაზრის რადიკალური გარდაქმნის გარეშე ისეთივე მნიშვნელოვანი, როგორც დამანგრეველი ინოვაცია, როდესაც ზრდის ახალი შესაძლებლობების მოპოვებას ვცდილობთ.

წიგნი „Blue Ocean Shift“ სავსეა სრულიად ახალი კვლევებითა და მაგალითებით, რომლებიც გვიჩვენებს, თუ როგორ მოახერხეს სხვადასხვა ინდუსტრიისა და ორგანიზაციის ლიდერებმა ცვლილებების განხორციელება და ახალი ბაზრების შექმნა წიგნში წარმოდგენილი მეთოდებისა და ინსტრუმენტების გამოყენებით.

იქნება ეს ფინანსურად შეზღუდული სტარტაპი თუ დიდი, უკვე ჩამოყალიბებული კომპანია, არაკომერციული ორგანიზაცია თუ ეროვნული მთავრობა – წიგნი გასწავლით, როგორ გადახვიდეთ „წითელი ოკეანიდან“ „ლურჯ ოკეანეში“ ისე, რომ ამ პროცესში ადამიანებს თავდაჯერებულობა განუვითარდეთ და თავადვე გახდნენ ცვლილებების ინიციატორები და განმახორციელებლები.

რეალურ პრაქტიკაში მიღებული, წარმატებისა და წარუმატებლობის გამოცდილებით გამყარებული გაკვეთილებით, „Blue Ocean Shift“ მნიშვნელოვანი საკითხავია როგორც ლიდერებისთვის, ისე მენეჯერებისა და მეწარმეებისთვის. თქვენ გაიგებთ, რა მუშაობს, რა არ მუშაობს და როგორ აირიდოთ თავიდან გზაზე არსებული შეცდომები და დაბრკოლებები.

ეს წიგნი დაგეხმარებათ წარმატების მიღწევაში, როდესაც საკუთარი „ლურჯი ოკეანის“ შექმნის გზას დაადგებით.

„Blue Ocean Shift“ შეუცვლელი სახელმძღვანელოა ყველასთვის, ვინც მომავლის შექმნას ისახავს მიზნად.