რწმენის მდიდარი და მრავალმხრივი ისტორია — კაცობრიობის უძველესი დროიდან დღემდე.

რელიგია ადამიანისთვის დამახასიათებელი მოვლენაა. ჩვენ არ შეგვიძლია არ დავფიქრდეთ იმაზე, თუ საიდან მოვდივართ და რატომ ვარსებობთ. შექმნა თუ არა სამყარო ყოვლისშემძლე არსებამ? სიკვდილის შემდეგ არსებობს თუ არა რაიმე სხვა? და როგორი იქნება ის? მსგავსი კითხვები საუკუნეების განმავლობაში აწუხებდა და აინტერესებდა ადამიანებს. პასუხების ძიებისას ჩვენ სხვადასხვა ისტორია და წარმოდგენა შევქმენით.

რიჩარდ ჰოლოუეი მოგვითხრობს მსოფლიოს ძირითადი რელიგიების ისტორიას რწმენის წარმოშობიდან ოცდამეერთე საუკუნემდე. ის ბევრად სცდება იუდაიზმის, ისლამის, ქრისტიანობის, ბუდიზმისა და ინდუიზმის საზღვრებს. მისი წიგნი განკუთვნილია როგორც მორწმუნეებისთვის, ისე მათთვის, ვისაც რელიგიური რწმენა არ აქვს, ასევე მათთვის, ვინც ჯერ კიდევ ცდილობს საკუთარი შეხედულებების ჩამოყალიბებას.

„მცირე ისტორიები“ — შთამაგონებელი გზამკვლევები ცნობისმოყვარე გონებისთვის.