მიუხედავად იმისა, რომ პატიება ერთი შეხედვით მარტივ მოქმედებად შეიძლება მოგვეჩვენოს, სინამდვილეში ის რთული და ფაქიზი პროცესია, რომელსაც სწორად წარმართვის შემთხვევაში შეუძლია ღრმა ემოციურ გამოცდილებად და მნიშვნელოვან სასწავლო პროცესად იქცეს.

როგორი სიტუაციაც არ უნდა იყოს — გჭირდებათ შერიგება გარკვეულ გარემოებასთან, საყვარელ ადამიანთან, მეგობართან თუ სრულიად უცხო ადამიანთან — პატიების პროცესი ერთდროულად ხელოვნებაცაა და მეცნიერებაც.

ეს პრაქტიკული სახელმძღვანელო მკითხველს პატიების პროცესში რვა ძირითადი ეტაპის გავლით მიუძღვება.

როგორ გავხდეთ პატიებაში „გაწაფულები“? როგორ ამოვიცნოთ ჩვენი ტკივილისა და შინაგანი არეულობის წყარო? როგორ ვიპოვოთ აზრი იმაში, რაც გადავიტანეთ, ან როგორ ვისწავლოთ საკუთარი თავის პატიება? რა უნდა გავაკეთოთ მაშინ, როდესაც პატიება განსაკუთრებით რთულია?

ამ და სხვა კითხვებზე პასუხებს ამ წიგნში იპოვით. ის დაგვეხმარება, გავხდეთ უფრო შემწყნარებელი, თანამგრძნობი და იმედით სავსე ადამიანები.