მხატვრული ლიტერატურა
Exhalation
„ტედ ჩიანგი სამეცნიერო ფანტასტიკის ერთ-ერთი ყველაზე გამორჩეული და საინტერესო ავტორია... მისი ეს იგავური ისტორიები იმედითა და ჰუმანიზმით არის სავსე.“ — The Daily Telegraph
რომანის „Stories of Your Life and Others“ საყოველთაოდ აღიარებული ავტორისგან — ნაწარმოებისგან, რომლის მიხედვითაც ოსკარის მფლობელი ფილმი „Arrival“ გადაიღეს — მკითხველს სამეცნიერო ფანტასტიკის მოთხრობების მეორე, გამორჩეული კრებული ელის.
„ეს წიგნი დაგაფიქრებთ, მნიშვნელოვან კითხვებზე პასუხების ძიებას დაგაწყებინებთ და უფრო მეტად გაგრძნობინებთ, რას ნიშნავს იყო ადამიანი. სწორედ ასეთია საუკეთესო სამეცნიერო ფანტასტიკა.“ — ბარაკ ობამა
დროის პორტალი ძველ ბაღდადში მცხოვრებ ქსოვილებით მოვაჭრეს წარსულში დაშვებულ შეცდომებსა და მეორე შანსის ცდუნებაზე დააფიქრებს. უცხოპლანეტელი მეცნიერი შემაძრწუნებელ აღმოჩენას აკეთებს, რომელსაც შედეგები არა მხოლოდ მისი ხალხისთვის, არამედ მთელი სამყაროსთვის ექნება. პარალელური სამყაროების დანახვის მოულოდნელი უნარი კი ადამიანს არჩევანისა და თავისუფალი ნების შესახებ საკუთარი წარმოდგენების საფუძვლიანად გადახედვას აიძულებს.
წიგნში „Exhalation“ ტედ ჩიანგი ადამიანის არსებობისა და სამყაროს ყველაზე ფუნდამენტურ საკითხებს განიხილავს: როგორია სამყაროს ბუნება? რას ნიშნავს იყო ადამიანი? ამასთანავე, ავტორი ისეთ კითხვებსაც სვამს, რომლებზეც მანამდე არავის უფიქრია.
თითოეული მოთხრობა თავისებურად ამტკიცებს, რომ რთული და ღრმა სამეცნიერო ფანტასტიკა შეიძლება სილამაზის, აზრისა და თანაგრძნობის სრულიად ახალ სიმაღლეებზე ავიდეს.
„ღრმად მშვენიერი მოთხრობები.“ — The New York Times, წლის 10 საუკეთესო წიგნი
„ჩიანგის წერის სტილი... სამყაროს ბუნებრივი კანონზომიერებების მიმართ აღფრთოვანებას იწვევს და მეცნიერების ფუნდამენტურ პრინციპებს ემოციურ და შთამბეჭდავ გამოცდილებად აქცევს.“ — The Economist
„იდეების ბრწყინვალე და მომაჯადოებელი კასკადი.“ — Financial Times, წლის წიგნები






