მხატვრული ლიტერატურა
Breasts and Eggs
„განსაცვიფრებელი“ — ჰარუკი მურაკამი, რომანის „ნორვეგიული ტყე“ ავტორი.
The New York Times-ის 2020 წლის გამორჩეულ წიგნებს შორის დასახელებული ნაწარმოები და ელენა ფერანტეს მიერ შერჩეული ქალი ავტორების 40 საუკეთესო წიგნიდან ერთ-ერთი.
ზაფხულის ცხელ დღეს, ტოკიოს ღარიბ გარეუბანში, სამ ქალს ვხვდებით: ოცდაათი წლის ნაცუკოს, მის უფროს დას, მაკიკოს და მაკიკოს თინეიჯერ ქალიშვილს, მიდორიკოს.
მაკიკო, ასაკში შესული მასპინძელი, რომელიც გარეგნობის დაკარგვით არის შეწუხებული, მკერდის გადიდების ოპერაციის გასაკეთებლად ტოკიოში მიემგზავრება. მას თან ახლავს მიდორიკო, რომელმაც ბოლო დროს საუბარი შეწყვიტა. გოგონა ვეღარ უმკლავდება საკუთარ სხეულში მიმდინარე ცვლილებებსა და დედის გარეგნობით შეპყრობილობას.
მიდორიკოს დუმილი ნაცუკოს პატარა, გაცვეთილ ბინაში გამეფებულ ატმოსფეროს განსაზღვრავს და თითოეულ ქალს უბიძგებს, საკუთარ შფოთვასა და ერთმანეთთან ურთიერთობას ჩაუღრმავდეს.
რვა წლის შემდეგ კვლავ ვხვდებით ნაცუკოს, რომელიც უკვე მწერალია. ის მშობლიურ ქალაქში ბრუნდება, იხსენებს იმ ზაფხულსა და ოჯახის წარსულს, ამავდროულად კი საკუთარ გაურკვეველ მომავალს უპირისპირდება.
რომანში „მკერდი და კვერცხები“ (Breasts and Eggs) მიეკო კავაკამი თანამედროვე იაპონელი მუშათა კლასის ქალების ცხოვრების რადიკალურ და ინტიმურ პორტრეტს ქმნის. ავტორი გვიყვება სამი ქალის გულსატკენ ისტორიას საზოგადოებაში, სადაც მათ წარმატების მიღწევა უამრავი დაბრკოლების გადალახვის ფასად უწევთ.
ეს არის მნიშვნელოვანი საერთაშორისო ავტორის დაუვიწყარი ინგლისურენოვანი დებიუტი.
„გაბედული, თანამედროვე და მოულოდნელი“ — ან იუ, რომანის Braised Pork ავტორი.
„წარმოუდგენელი და დინამიკური“ — ნაოიზ დოლანი, რომანის Exciting Times ავტორი.







