„ფრანით მორბენალი“ არის ავღანური წარმოშობის ამერიკელი მწერლის - ხალიდ ჰოსეინის სადებიუტო რომანი, რომელიც 2003 წელს გამოიცა. „ფრანით მორბენალი“ უაღრესად აქტუალურ თემებზე დაწერილი წიგნია და ერთი ამოსუნთქვით იკითხება. მწერალი მოგვითხრობს დაუვიწყარ, გულისამაჩუყებელ ამბავზე მდიდარი ბიჭისა და მამის მსახურის ვაჟის მეგობრობის შესახებ, რომელსაც ძალიან ტრაგიკული ისტორია აქვს. მოქმედება მიმდინარეობს ავღანეთში, ცვლილებისა და განადგურების დაძაბულ და გადამწყვეტ პერიოდში. წიგნში იკვეთება კითხვის ძალა, ღალატის ფასი, გამოსყიდვის შესაძლებლობა, მამის ძალაუფლება ვაჟებზე- მათი სიყვარული, ტყუილი.

წიგნი საკმაოდ წარმატებული აღმოჩნდა: გაყიდული ეგზემპლარების რაოდენობამ აშშ-სა და მის ფარგლებს გარეთ შთამბეჭდავ რიცხვს- 21მილიონს მიაღწია. რომანზე უამრავი რეცენზია დაიწერა, გაიხსნა კლუბები, გადაიღეს ფილმი. ნაწარმოები დამამთავრებელ კლასებში სავალდებულო წასაკითხ ლიტერატურად გამოცხადდა. ბევრისთის რომანი იქცა სამაგიდო წიგნად.