„ბილიკი“ (BILIKI) არის მრავალდონიანი სასწავლო კურსი, რომელიც შექმნილია სტუდენტებისთვის ქართული ენის პირველი გაცნობიდან მის სრულყოფილ ფლობამდე. „ბილიკის“ სერიის პირველი დონე სამი წიგნისგან შედგება: მოსწავლის წიგნი, სამუშაო რვეული და საკითხავი მასალები. „ბილიკი“ უზრუნველყოფს მასტიმულირებელ მასალასა და ხელშემწყობ დისკუსიებს, რაც სწავლის პროცესს საინტერესოსა და თანამედროვე სამყაროსთვის აქტუალურს ხდის. წიგნის მკაფიო სტრუქტურა თითოეულ გაკვეთილს მარტივსა და სასიამოვნოდ გამოსაყენებლად აქცევს.

მოსწავლის წიგნი „ბილიკი I“ - A2 (ელემენტარული) გთავაზობთ ქართული ენის სწავლებისა და შესწავლის უნიკალურ, მოქნილ არჩევანს. მოსწავლის წიგნის 12 თავი და 3 პროგრესის ტესტი მოიცავს ძირითად სასწავლო პროგრამას, რომელიც მინიმუმ 48-საათიან მუშაობას ითვალისწინებს. დამხმარე მასალების პაკეტები (Resource Packs) შეიცავს არჩევით საკომუნიკაციო აქტივობებს, რომლებიც დაკავშირებულია მოსწავლის წიგნთან. მათი გამოყენება შესაძლებელია გაკვეთილების შესავსებად, კონკრეტული ენობრივი მასალისა და სტრუქტურის გასამეორებლად, ასევე კლასში მრავალფეროვნების შესატანად. მოსწავლის წიგნის აუდიომასალა მოიცავს ყველა იმ მოსასმენ სავარჯიშოს, რომელიც მოცემულია მოსწავლის წიგნში.