„მუხრანის გაცოცხლებული ლეგენდა“ უამრავ დოკუმენტურ, ფოტო, წერილობით  დოკუმენტებსა და გადმოცემებზე  დაყრდნობით შექმნილი ნაშრომია, რომელიც შეეხება მე-19 ს. საზოგადო მოღვაწის, მეწარმისა და მეცენატის ივანე ბაგრატიონ-მუხრანბატონის (1812-1895) ცხოვრებას და მოღვაწეობას, გარემოს, რომელშიც მის წინაპრებს და თავად მას უხდებოდათ ურთულესი წინააღმდეგობების გადალახვა. მოთხრობილია იმ წარმატებებზე, რომელსაც მან თავისი შრომით, ბრძოლით, ევროპული მისწრაფებებით მიაღწია და რამაც მის საოცარ მამულსა და წარმოებას მსოფლიოში გაუთქვა სახელი, შემდეგ კი დროისა და ადამიანთა ხელით მოტანილი სიავეების გამოისობით განადგურდა და გაუდაბურდა.

ბანდაქცეული და საუკუნოვანი მტვრით დაფარული მამულის, სასახლისა და მისი მეპატრონის სახელების და საქმეების აღდგენა თავის თავზე აიღო სს შატო მუხრანმა, რომელიც 2002 წლიდან ახორციელებს ივ. მუხრანბატონის სამეურნეო და კულტურული მემკვიდრეობის აღდგენის მასშტაბურ პროექტს.