მეორე წიგნი ბესტსელერების სერიიდან „პერსი ჯექსონი და ოლიმპოელები“. ახლა უკვე ახალი გარეკანით! აღმოაჩინეთ ისტორია, რომელიც Disney+-ის სერიალს დაედო საფუძვლად.

ნახევრად ბიჭი — ნახევრად ღმერთი — ნამდვილი გმირი.

თითქმის მთელმა წელმა ისე ჩაიარა, რომ ჩემი არცერთი მასწავლებელი არ ქცეულა მონსტრად. მხოლოდ ერთი დღეც დარჩა. ნუთუ ამას მაინც ვერ გადავიტან?

პერსი ჯექსონის ცხოვრება საოცრად მშვიდი იყო მას შემდეგ, რაც მან ოლიმპოს მთაზე ყოვლისმომცველი ომი შეაჩერა. ეს სიმშვიდე მანამ გაგრძელდა, სანამ ხალხობანას (დოჯბოლის) უწყინარი თამაში საზარელ და საშიშ დაპირისპირებად არ იქცა...

ახლა „ნახევარსისხლთა ბანაკი“ — ერთადერთი უსაფრთხო ადგილი დედამიწაზე პერსისნაირი ნახევარღმერთებისთვის — თავდასხმის ქვეშაა. თუ იგი ვერ იპოვის მაგიურ ოქროს საწმისს, ყველაფერი, რაც კი ოდესმე ჰყვარებია, განადგურდება.