1980 წლის 30 აპრილს, ექვსი კბილებამდე შეიარაღებული ტერორისტი შეიჭრა ირანის საელჩოში პრინსეს გეიტზე, საიდანაც ჰაიდ-პარკი მოჩანს ლონდონში. მათ მძევლად აიყვანეს 26 ადამიანი, მათ შორის საელჩოს თანამშრომლები, ვიზიტორები და დიდი ბრიტანეთის სამი მოქალაქე.

ამას მოჰყვა დაძაბული ექვსდღიანი ალყა, როდესაც მილიონობით ადამიანი შეიკრიბა ეკრანებთან მთელი ქვეყნის მასშტაბით, რათა თვალი ედევნებინა ბრიტანეთის ტელევიზიის ისტორიაში ყველაზე ხანგრძლივი საინფორმაციო გამოშვებისთვის. ამ დროს პოლიციის მომლაპარაკებლები და ფსიქიატრები დაპირისპირების უსისხლოდ დასრულებას ცდილობდნენ, ხოლო SAS-ი (სპეციალური საჰაერო სამსახური) – მანამდე საიდუმლოებით მოცული ორგანიზაცია – გეგმავდა გაბედულ სამაშველო მისიას: ოპერაცია „ნიმროდს“.

გამოუქვეყნებელ წყაროებზე, SAS-ის წევრებთან ექსკლუზიურ ინტერვიუებსა და მოწმეთა (მათ შორის მძევლების, მომლაპარაკებლების, დაზვერვის ოფიცრებისა და ადგილზე მყოფი ფსიქიატრის) ჩვენებებზე დაყრდნობით, ბესტსელერების ავტორი, ისტორიკოსი ბენ მაკინტაირი მკითხველს სთავაზობს მომნუსხველ მოგზაურობას – მოვლენების მრავალწლიანი და მრავალკვირიანი მზადებიდან ორივე მხარეს, ალყისა და გადარჩენის ოპერაციის წუთობრივ ქრონიკამდე.

მომლაპარაკებლებსა და მძევლებს შორის დრამატული საუბრების, კულისებს მიღმა მიმდინარე უახლესი სადაზვერვო მუშაობისა და ამ საერთაშორისო მნიშვნელობის მომენტის ირგვლივ ატეხილი მედია-ისტერიის აღდგენით, „ალყა“ (The Siege) არის შესანიშნავი ამბავი იმისა, თუ რა მოხდა სინამდვილეში ამ საბედისწერო ექვს დღეში. ეს არის პირველი სრული ანგარიში იმ მომენტისა, რომელმაც სამუდამოდ შეცვალა ერის წარმოდგენა SAS-სა და საკუთარ თავზე.