ათი საუკუნის განმავლობაში არაჩვეულებრივმა იმპერიამ შესაძლებელი გახადა ევროპის გადასვლა თანამედროვე სამყაროში: ეს იყო ბიზანტია. თავზეხელაღებული და მედეგი, მაგრამ ახლა უკვე ნაკლებად ცნობილი საზოგადოება, რომელიც მართლმადიდებლურ ქრისტიანობას წარმართობასთან აერთიანებდა, კლასიკურ ბერძნულ ცოდნას კი — რომაულ ძალაუფლებას, რათა შექმნილიყო დიდი და შემოქმედებითი ცივილიზაცია, რომელიც საუკუნეების მანძილზე აკავებდა ისლამის ჯარებს. ჯუდიტ ჰერინის ლაკონური და შთამბეჭდავი წიგნი ცვლის ბიზანტიის ისტორიების უმრავლესობისთვის დამახასიათებელ სტანდარტულ ქრონოლოგიურ მიდგომას. ამის ნაცვლად, თითოეული მოკლე თავი კონკრეტულ თემაზეა ფოკუსირებული — როგორიცაა შენობა (აია სოფიას დიდებული ტაძარი), რელიგიური დაპირისპირება (ხატმებრძოლეობა), სექსი და ძალაუფლება (საჭურისების როლი), ბიზანტიის გამორჩეული მოღვაწე (ისტორიკოსი ანა კომნენე), ცივილიზაციის სიმბოლო (ჩანგალი) და ტერიტორიისთვის ბრძოლა (ჯვაროსნული ლაშქრობები). ამგვარად, ავტორი ხელმისაწვდომსა და გასაგებს ხდის ბიზანტიის ისტორიის გრანდიოზულ მასშტაბებს — მისი ბრწყინვალე დედაქალაქის, კონსტანტინოპოლის (დღევანდელი სტამბოლი) დაარსებიდან 330 წელს, 1453 წელს ოსმალეთის თურქების მიერ მის დაცემამდე.