ჩვენი სამყარო ფერადოვანია, თუმცა ფერი ისევე ბინადრობს ჩვენს წარმოსახვაში, როგორც გარემომცველ სამყაროში. წიგნის თითოეული თავი მკითხველს ერთ კონკრეტულ ფერში ძირავს — აერთიანებს ისტორიებს ხელოვნებისა და კაცობრიობის წარსულიდან, რათა აჩვენოს ის მნიშვნელობები, რომლებიც ფერებს სხვადასხვა ეპოქასა თუ ცივილიზაციაში ენიჭებოდა

ჯეიმს ფოქსი (James Fox) გვიჩვენებს, თუ როგორ ქმნიდნენ ხელოვანები, მეცნიერები და ფილოსოფოსები ამ მრავალფეროვან მნიშვნელობებს და როგორ განიცდიდნენ თავადაც მათ გავლენას. ფერების პრიზმით ჩვენ შეგვიძლია უკეთ გავუგოთ როგორც უცხო კულტურებს, ისე საკუთარ თავს. „ჩვენ ათასწლეულების განმავლობაში პროეცირებას ვუკეთებდით ჩვენს იმედებს, შფოთვებსა და აკვიატებებს ფერებზე, — წერს ფოქსი, — შესაბამისად, ფერების ისტორია კაცობრიობის ისტორიაცაა“.