W

კეთილი იყოს თქვენი მობრძანება რუკ ჰოლში (Rook Hall).

სცენა მომზადებულია. მოთამაშეები მზად არიან. ღამის ბოლოს მკვლელის ვინაობა ცნობილი გახდება.

ყოფილი დეტექტივი ჯეკსონ ბროდი შუახნის ასაკისთვის დამახასიათებელ მელანქოლიას ებრძვის, როდესაც მას იორკშირის ერთ მიწყნარებულ ქალაქში უხმობენ ერთი შეხედვით მოსაწყენი საქმის – მოპარული ნახატის ისტორიის გამოსაძიებლად.

თუმცა, ერთ ქურდობას მეორე მოსდევს, მათ შორის ტერნერის ძვირადღირებული ტილოს გაუჩინარება ბერტონ მეიქპისიდან (Burton Makepeace) – მამულიდან, რომელიც ლედი მილტონსა და მის ოჯახს ეკუთვნის.

ოდესღაც დიდებული სოფლის სახლი, ბერტონ მეიქპისი, ახლა ნაწილობრივ სასტუმროდ არის გადაკეთებული, სადაც „მკვლელობის საიდუმლოებით“ (Murder Mystery) სავსე უქმეები ეწყობა.

როდესაც აქ ფასიანი სტუმრები, მღვდელი, ყოფილი სამხედრო ოფიცერი, გაკოტრებული არისტოკრატები და ძველი მეგობრები იყრიან თავს, ჩვენ წინაშე იშლება ეშმაკურად გენიალური დეტექტივი; ნაწარმოები, რომელიც პატივს მიაგებს ჟანრის დიდოსტატებს – აგათა კრისტიდან დოროთი სეიერსამდე.

ბრწყინვალე ფანტაზიით, ატკინსონისთვის დამახასიათებელი იუმორით, სიტყვების თამაშითა და თხრობის დინამიკურობით გაჯერებული „სიკვდილი რუკის ნიშანთან“ (Death at the Sign of the Rook) შესაძლოა ჯეკსონ ბროდის ყველაზე უცნაური და დასამახსოვრებელი საქმე აღმოჩნდეს.