ყველაფერი იმით დაიწყო, რომ ისტორიის მასწავლებელმა კლასს ის დოკუმენტური ფილმი აჩვენა, რომელიც საკონცენტრაციო ბანაკებში ნაცისტების მიერ ებრაელი ხალხის მიმართ დაუნდობელ, სასტიკ და არაჰუმანურ მოპყრობას ასახავდა. მოსწავლეებისთვის ნაცისტური რეჟიმის სისასტიკე და ბოროტება თავზარდამცემი  აღმოჩნდა, მათთვის გაუგებარი იყო გერმანელი ერის წინააღმდეგობის გაწევის უუნარობა და უმოქმედობა.

მასწავლებელმა გადაწყვიტა, რომ მზა პასუხების ნაცვლად, სასკოლო ექსპერიმენტი ჩაეტარებინა და მოსწავლეებს თავად გამოეცადათ, როგორი იქნებოდა ნაცისტურ გერმანიაში ცხოვრება. ექსპერიმენტი იმაზე სერიოზული და მასშტაბური აღმოჩნდა, ვიდრე დაგეგმილი იყო და მთელი სკოლა მოიცვა. ტოდ შტრასერის წიგნი დაგვაფიქრებს, რამდენად საშიში შეიძლება იყოს, როდესაც ადამიანი კარგავს ინდივიდუალურ ნებას, საკუთარ ქმედებებზე პასუხს აღარ აგებს და ლიდერს ბრმად ემორჩილება.