ჩელისტი შეკუ კანე-მეისონი მუსიკის ტრანსფორმაციულ ძალას ისევე კარგად იცნობს და გრძნობს, როგორც ნებისმიერი სხვა დღეს ცოცხალი მუსიკოსი. პრესტიჟულ კონკურსში „BBC Young Musician“ გამარჯვებიდან ჰარისა და მეგანის ქორწილში დაკვრამდე; ბახის სოლო სუიტებიდან ბობ მარლის რეგიმდე – მისი მგზნებარე ვნება ვლინდება თითოეულ შესრულებაში, იქნება ეს ხალხით გაჭედილი საკონცერტო დარბაზი თუ სტუდიური ჩანაწერი.

მაგრამ როგორ მოხდა, რომ მისნაირი ადამიანი – ფერადკანიანი, ნოტინგემის საჯარო სკოლიდან – კლასიკური მუსიკის სამყაროს უმაღლეს მწვერვალებზე ავიდა? რა დაბრკოლებების გადალახვა მოუწია მას, რა ისწავლა ამ გზაზე და როგორ შეუძლია ახალგაზრდას დღეს მის კვალს გაჰყვეს?

წიგნში „მუსიკის ძალა“ (The Power of Music), შეკუ იკვლევს იმ გამოცდილებასა და ფასეულობებს, რომლებმაც იგი აქამდე მოიყვანა – დაწყებული ფეხბურთის ვარჯიშებითა და ოჯახური მუსიკალური საღამოებით სავსე ბავშვობიდან, დასრულებული მისი დღევანდელი მოღვაწეობით მსოფლიოს საუკეთესო საკონცერტო დარბაზებსა და მათ გარშემო არსებულ ნაკლებად პრივილეგირებულ თემებში. მისი პოპულარობის ზრდასთან ერთად, იგი გვიჩვენებს იმ ინდუსტრიის ბნელ მხარესაც, რომელიც ექსკლუზიურობითა და ტრადიციებისადმი ჯიუტი ერთგულებით იმართება.