Writing

№1 „ნიუ-იორკ თაიმსის“ ბესტსელერი • ბარაკ ობამას 2025 წლის ერთ-ერთი საყვარელი წიგნი • „ნიუ-იორკ თაიმსის“ 2025 წლის 100 გამორჩეულ წიგნს შორის • „კირკუს რევიუის“ 2025 წლის საუკეთესო წიგნებს შორის • NPR-ის „წიგნები, რომლებიც გვიყვარს“ — 2025

„აუცილებლად წასაკითხი წიგნია პროგრესულად მოაზროვნე ადამიანებისთვის, რომლებსაც სურთ, მიიღონ სახელმწიფო მმართველობის რეფორმირების გეგმა, რომელიც მთავრობას მშრომელი ადამიანების საჭიროებების დაკმაყოფილებაში დაეხმარება.“ — ბარაკ ობამა

„შესანიშნავი წიგნია… ძლიერი და დამაჯერებელი.“ — ფარიდ ზაქარია

„შთამბეჭდავია… სრულყოფილად აანალიზებს არსებულ პრობლემებს და მომავლისკენ მიმავალ მკაფიო გზას გვთავაზობს… კლაინი და ტომპსონი საზოგადოებრივ განწყობას ცვლიან. ისინი იმედს შთაგვაგონებენ და ჩვენს წარმოსახვას აფართოებენ.“ — დევიდ ბრუკსი, The New York Times

ბესტსელერების ავტორები და ცნობილი ჟურნალისტები ეზრა კლაინი და დერეკ ტომპსონი წიგნში Abundance წარმოგვიდგენენ თაობაში ერთხელ შექმნილ, აზროვნების შემცვლელ მოწოდებას, რომელიც მიზნად ისახავს სიუხვეზე ორიენტირებული პოლიტიკის აღორძინებას, ლიბერალური მმართველობის წარუმატებლობების აღიარებასა და იმ ხელოვნურად შექმნილ დეფიციტზე უარის თქმას, რომელმაც ამერიკული ცხოვრება დაამახინჯა.

თუ 21-ე საუკუნის ისტორიას გადავხედავთ, დავინახავთ, რომ ის სულ უფრო მეტად ხელმისაწვდომობის პრობლემებისა და დეფიციტის ისტორიად იქცა. წლების განმავლობაში საკმარისი საცხოვრებელი სახლების მშენებლობაზე უარის თქმამ ამერიკაში ეროვნული მასშტაბის საბინაო კრიზისი გამოიწვია. იმიგრაციის ხანგრძლივმა შეზღუდვამ მუშახელის დეფიციტი შექმნა. მიუხედავად იმისა, რომ კლიმატის ცვლილების შედეგებზე ათწლეულების განმავლობაში გვაფრთხილებდნენ, ჩვენ ჯერ კიდევ არ აგვიშენებია სუფთა ენერგიის ის ინფრასტრუქტურა, რომელიც აუცილებელია. ამბიციური სახელმწიფო პროექტები დაგვიანებით და ბიუჯეტის გადაჭარბებით სრულდება — თუ საერთოდ სრულდება.

კრიზისი, რომელიც დღეს სულ უფრო ნათლად იკვეთება, ათწლეულების განმავლობაში ყალიბდებოდა, რადგან საკმარისს არ ვაშენებდით.

წიგნი Abundance განმარტავს, რომ დღევანდელი პრობლემები წარსულის ბოროტმოქმედთა ქმედებების შედეგი არ არის. პირიქით, ერთი თაობის მიერ შექმნილი გადაწყვეტილებები მომდევნო თაობის პრობლემებად იქცა. 1970-იანი წლების გამოწვევების გადასაჭრელად შემუშავებული წესები და რეგულაციები ხშირად ხელს უშლის ურბანული სიმჭიდროვის გაზრდასა და მწვანე ენერგეტიკის პროექტებს, რომლებიც 2020-იანი წლების პრობლემების მოგვარებაში დაგვეხმარებოდა.

კანონებმა, რომლებიც მთავრობას საკუთარი გადაწყვეტილებების შედეგების გათვალისწინებას ავალდებულებს, ზოგჯერ იმდენად გაართულა მოქმედება, რომ მთავრობას მნიშვნელოვანი შედეგების მიღწევაც უჭირს. ბოლო რამდენიმე ათწლეულის განმავლობაში პრობლემების დანახვის უნარი გაგვიუმჯობესდა, მაგრამ მათი გადაჭრის შესაძლებლობა შეგვიმცირდა.

პროგრესი მოითხოვს, გულწრფელად შევხედოთ იმ ინსტიტუტებს, რომლებიც სათანადოდ ვერ მუშაობს. ლიბერალებისთვის ეს ნიშნავს იმის აღიარებას, როდესაც მთავრობა მარცხდება; კონსერვატორებისთვის კი — იმის გააზრებას, თუ როდის არის აუცილებელი მთავრობის ჩარევა.

წიგნში, რომელიც იკვლევს, როგორ გადავიდეთ ლიბერალიზმიდან, რომელიც მხოლოდ იცავს და ინარჩუნებს არსებულს, ლიბერალიზმზე, რომელიც ასევე ქმნის და აშენებს, კლაინი და ტომპსონი პროგრესის პოლიტიკურ, ეკონომიკურ და კულტურულ ბარიერებს აანალიზებენ და სიუხვეზე ორიენტირებული პოლიტიკის გზას გვთავაზობენ.

იმ დროს, როდესაც დეფიციტზე დაფუძნებული პოლიტიკური მოძრაობები სულ უფრო ძლიერდება სხვადასხვა ქვეყანაში, ეს წიგნი დღევანდელ გამოწვევებს პასუხობს და ამავდროულად გულწრფელად განიხილავს იმ მძაფრ უკმაყოფილებას, რომელსაც მრავალი ადამიანი სრულიად საფუძვლიანად განიცდის.