იმპერიული, კომუნისტური თუ ავტოკრატიული — რუსეთი ყოველთვის იყო და დღესაც რჩება ძლევამოსილ და დამთრგუნველ მეზობლად. იქნება ეს შორეულ აღმოსავლეთში მდებარე ჩრდილოეთ კორეა, აზიისა და კავკასიის ყოფილი საბჭოთა რესპუბლიკები თუ კასპიისა და შავი ზღვის სანაპიროებზე განლაგებული ქვეყნები. როგორი იქნებოდა რუსეთის მთელი პერიფერიის შემოვლა, რათა გამოგვეკვლია, რა გავლენას ახდენს ეს ქვეყანა მის უახლოეს მეზობლებზე?

მკვეთრი დაკვირვებით გამორჩეული და ბრწყინვალედ დაწერილი წიგნი „საზღვარი“ (The Border) მოგზაურობის ლიტერატურისა და თანამედროვე ისტორიის შთამბეჭდავი შერწყმაა. ეს არის წიგნი რუსეთზე, რომლის ავტორიც რუსეთში ერთხელაც არ შედის. მოგზაურობისას ფატლანდი გვიჩვენებს, რას ნიშნავდა ისტორიის განმავლობაში ამ ძლიერი და მუდმივად გაფართოებისკენ მიდრეკილი იმპერიის მეზობლად ცხოვრება.

ავტორთან ერთად მოგზაურობისას ვეცნობით რუსეთის მოსაზღვრე ქვეყნების ფერადოვან, ამაღელვებელ, ტრაგიკულ და ხშირად დაუჯერებელ ისტორიებს, მათ კულტურას, ხალხსა და ბუნებრივ პეიზაჟებს.

მახვილი დაკვირვებით დაწერილი და მთლიანად ჩამთრევი „საზღვარი“ ჩვენი სამყაროს დიდი ნაწილის გასაგებად სრულიად ახალ და მოულოდნელ პერსპექტივას გვთავაზობს.