ემუქრებათ თუ არა სრული განადგურება მეომარი ვოგონების ხელით? ზუსტად დროა ერთი ფინჯანი ჩაისთვის! შეუერთდით კოსმოსში გზააბნეულ არტურ დენტსა და მის უცნაურ თანამებრძოლებს, რომლებიც წმინდა ალბათობის ძალაზე მომუშავე ხომალდით კოსმოსურ სივრცეში მიქრიან და თავგანწირვით ეძებენ ადგილს, სადაც წახემსებას შეძლებენ.

არტურის ჭრელ გუნდში არიან: ფორდ პრეფექტი — მისი ძველი მეგობარი და „გალაქტიკაში ავტოსტოპით მოგზაურის გზამკვლევის“ გამოცდილი თანაავტორი; ზაფოდ ბიბლბროქსი — გალაქტიკის სამხელა და ორთავიანი ექსპრეზიდენტი; ტრიშა მაკმილანი — დედამიწელი თანალტოლვილი, რომელიც კოსმოსურ ყოფას შეესისხლხორცა (ახლა მას ტრილიანი ჰქვია); და მარვინი — დეპრესიული ანდროიდი. მათი დანიშნულების ადგილი? აპოკალიფსური გართობისა და დახვეწილი კულინარიის მთავარი ეპიცენტრი, სადაც საჭმელი თავადვე ლაპარაკობს საკუთარ თავზე (პირდაპირი მნიშვნელობით).

მიაღწევენ კი იქამდე? პასუხი ასეთია: ძნელი სათქმელია. თუმცა, გაითვალისწინეთ, რომ „ავტოსტოპის გზამკვლევმა“ თავისი გვერდებიდან საერთოდ წაშალა ტერმინი „მომავალი სრულყოფილი“ (Future Perfect), ვინაიდან აღმოაჩინეს, რომ მომავალი სრულყოფილი სულაც არ ყოფილა!